സൂപ്പര്‍ഹിറ്റ് സിനിമകളുടെ അമരക്കാരന്‍ ലാല്‍ജോസ് മലയാളത്തിന്റെ ജനപ്രിയ നടന്‍ ദിലീപ് നായകനായി ഒരുക്കിയ സൂപ്പര്‍ഹിറ്റായ മീശ മാധവന്‍ എന്ന ചിത്രത്തിലെ ചിങ്ങമാസം വന്നുചേര്‍ന്നാല്‍ എന്ന സൂപ്പര്‍ഹിറ്റ് ഗാനം ആലപിച്ച് സിനിമാ രംഗത്തേക്ക് കടന്നുവന്ന സൂപ്പര്‍ ഗായികയാണ് റിമി ടോമി. ഇപ്പോള്‍ മലയാളികള്‍ ഏറെ സ്‌നേഹിക്കുന്ന ഗായികയും അവതാരകയും നടിയുമാണ് റിമി ടോമി.
നിരവധി സൂപ്പര്‍ ഹിറ്റ് ഗാനങ്ങള്‍ ഇതിനോടകം തന്നെ റിമി ടോമി ആലപിച്ച് കഴിഞ്ഞിരിക്കുകയാണ്. ഒരുകാലത്ത് സ്റ്റേജ് ഷോകളിലെ മിന്നും താരമായിരുന്നു റിമി ടോമി. റിമിയുടെ അണ്‍ലിമിറ്റഡ് എനര്‍ജിയും പാട്ടിന് ആനുസരിച്ചുള്ള ചുവടുകളും ഒട്ടേറെ ആസ്വാദകരാണ് ഇഷ്ടപ്പെട്ടത്.
പാട്ടിനു പുറമേ നല്ലൊരു അവതാരകയും നടിയും മോഡലും കൂടിയാണ് റിമി ടോമി. നിരവധി റിയാലിറ്റി ഷോകളില്‍ ജഡ്ജായും റിമി ടോമി എത്താറുണ്ട്. സോഷ്യല്‍ മീഡിയയില്‍ ഏറെ സജീവമായ താരങ്ങളില്‍ ഒരാളാണ് റിമി ടോമി. റിമി ടോമി ഡാന്‍സിനും പാട്ടിനുമൊപ്പം പാചകവും പരീക്ഷിച്ചിരുന്നു.
ലോക്ക് ഡൗണ്‍ കാലത്താണ് റിമി ടോമി സോഷ്യല്‍ മീഡിയയില്‍ സജീവമാകുന്നത്. സ്വന്തമായി ഒരു യൂട്യൂബ് ചാനലും ഉണ്ട്. തന്റെ ജീവിതത്തിലെ എല്ലാ വിശേഷങ്ങളും റിമി ആരാധകരുമായി പങ്കിടാറുണ്ട്.
അതേ സമയം ചോക്ലേറ്റ് ഹിറോ ആയി എത്തി ആരാധികമാരുടെ മനസ്സിലിടം നേടിയ താരമാണ് ചാക്കോച്ചന്‍ എന്ന കുഞ്ചാക്കോ ബോബന്‍. ചോക്ലേറ്റ് ഇമേജില്‍ നിന്നും മാറി ഇപ്പോല്‍ ക്യാരക്ടര്‍ വേഷങങ്ങളില്‍ തിളങ്ങുന്ന ചാക്കോച്ചന്‍ ഇന്നും യുവത്വത്തിന്റെ പ്രതീകമാണ്.
ഇപ്പോഴിതാ റിമി ടോമി തന്റെ അപ്പച്ചന്റെ പ്രിയപ്പെട്ട ഗായിക ആയിരുന്നെന്നും അപ്പച്ചന് ചില പദ്ധതികള്‍ ഒക്കെ ഉണ്ടായിരുന്നു എന്നും വെളിപ്പെടുത്തുകയാണ് ചാക്കോച്ചന്‍. റിമി ടോമിയുമായി ബന്ധപ്പെട്ട് മുമ്പ് ഒരിക്കല്‍ തന്റെ വീട്ടുകാര്‍ക്ക് ഉണ്ടായിരുന്ന ഒരാഗ്രഹത്തെ കുറിച്ച് ചാക്കോച്ചന്‍ ഏഷ്യാനെറ്റ് കോമഡി അവാര്‍ഡിനിടെയാണ് തുറന്നു പറഞ്ഞത്. ഈ വീഡിയോയാണ് ഇപ്പോള്‍ വീണ്ടും വൈറലായി മാറുന്നത്. റിമി ടോമിയെക്കൊണ്ട് തന്നെ കെട്ടിക്കാന്‍ തന്റെ അപ്പച്ചന് ആഗ്രഹമുണ്ടായിരുന്നു എന്നാണ് ചാക്കോച്ചന്റെ വെളിപ്പെടുത്തല്‍.
ഏഷ്യാനെറ്റ് കോമഡി അവാര്‍ഡിന്റെ താരനിശയിലാണ് ചാക്കോച്ചന്‍ റിമി ടോമിക്ക് മുന്നില്‍ ഇക്കാര്യം തുറന്നു പറഞ്ഞത്. എന്നാല്‍ താന്‍ കോളേജ് കാലഘട്ടം മുതല്‍ ചാക്കോച്ചന്റെ കടുത്ത ആരാധിക ആയിരുന്നു എന്നും, അപ്പച്ചന് അങ്ങനെയൊരു ആഗ്രഹം ഉണ്ടായിരുന്നു എങ്കില്‍ ഒന്നു പാലാ വരെ വന്നൂടായിരുന്നോ എന്നുമാണ് റിമി ടോമി തിരിച്ചു ചോദിച്ചത്.
പിന്നീട് തമാശകളുമായി ഇരുവരും ചേര്‍ന്ന് വേദിയെ പൊട്ടിച്ചിരിപ്പിച്ചാണ് മടങ്ങിയത്. ഈ പരിപാടിയുടെ വീഡിയോ സമൂഹ മാധ്യമങ്ങളില്‍ അന്നും വൈറലായിരുന്നു.
