മലയാള സിനിമാ, ടിവി പ്രേക്ഷകര്‍ക്ക് ഏറെ പ്രിയങ്കരനായ നടനും മിമിക്രി ആര്‍ട്ടിസ്റ്റുമായ കൊല്ലം സുധി വാഹനാപകടത്തില്‍ മരിച്ചു എന്ന വാര്‍ത്ത ഞെട്ടലോടെയാണ് കേരളം കേട്ടിരിക്കുന്നത്. തൃശ്ശൂര്‍ ജില്ലയിലെ കൈപ്പമംഗലത്ത് വെച്ചായിരുന്നു അപകടം.
ഗുരുതരമായി പരിക്കേറ്റ താരത്തെ ഉടന്‍ തന്നെ കൊടുങ്ങല്ലൂര്‍ എ ആര്‍ ആശുപത്രിയില്‍ എത്തിച്ചു എങ്കിലും രക്ഷിക്കാന്‍ ആയില്ല. നടന്‍ ബിനു അടിമാലി, മഹേഷ് എന്നിവരും ഇദ്ദേഹത്തോടൊപ്പം ഉണ്ടായിരുന്നു. ഇവര്‍ക്കും അപകടത്തില്‍ ഗുരുതരമായി പരിക്കേറ്റിരുന്നു.
ഒത്തിരി പ്രതീക്ഷകളോടെ ജീവിച്ചിരുന്ന സുധി ഒന്നും നിറവേറ്റാതെയാണ് ജീവിതത്തില്‍ നിന്നും അകന്നത്. സ്വന്തമായി ഒരു വീടെന്ന സുധിയുടെ സ്വപ്‌നം അ്‌ദ്ദേഹത്തിന്റെ മരണത്തിന് പിന്നാലെയാണ് നിറവേറുന്നത്. സുധിയുടെ മരണം താരത്തിന്റെ ഭാര്യ രേണുവിനെയും മക്കളെയും തളര്‍ത്തിയിരുന്നു.
ഇപ്പോഴിതാ രേണു സോഷ്യല്‍മീഡിയയില്‍ പങ്കുവെച്ച സുധിയെ കുറിച്ചുള്ള ഒരു പോസ്റ്റാണ് ഇപ്പോള്‍ സോഷ്യല്‍മീഡിയയില്‍ വൈറലാവുന്നത്. തന്റെ ജന്മദിനത്തില്‍ സുധിയെ ഓര്‍ക്കുകയാണ് രേണു. കഴിഞ്ഞ ജന്മദിനത്തില്‍ ഏട്ടനായിരുന്നു തന്നെ ആദ്യം വിഷ് ചെയ്തിരുന്നതെന്നും ഇത്തവണ സ്വര്‍ഗത്തിലിരുന്ന് ഏട്ടന്‍ തന്നെ വിഷ് ചെയ്തിരിക്കാമെന്നും രേണു കുറിച്ചു.
രേണുവിന്റെ പോസ്റ്റ് വൈറലായതോടെ നിരവദി പേരാണ് ആശംസകള്‍ നേര്‍ന്ന് കമന്റ് ചെയ്ത.് പ്രണയവിവാഹമായിരുന്നു സുധിയുടെയും രേണുവിന്റെയും. സുധിയുടേത് രണ്ടാം വിവാഹമായിരുന്നു.
