മമ്മൂട്ടി നായകനാകുന്ന പുതിയ ചിത്രത്തിന് സിംഹം എന്ന് പേരിട്ടതായി റിപ്പോർട്ട്. ഇതൊരു പൊളിറ്റിക്കൽ ത്രില്ലറായിരിക്കും.
രാജ്‌മോഹൻ ഉണ്ണിത്താൻ എംപി ഈ സിനിമയിലെ വില്ലൻ കഥാപാത്രത്തെ അവതരിപ്പിക്കുമെന്നും റിപ്പോർട്ടുകൾ.
ചിത്രം സംവിധാനം ചെയ്യുന്നത് സന്തോഷ് വിശ്വനാഥ് ആണ്. ‘ചിറകൊടിഞ്ഞ കിനാവുകൾ’ എന്ന ചിത്രത്തിന്റെ സംവിധായകനാണ് സന്തോഷ് വിശ്വനാഥ്.
സഞ്ജയ് – ബോബി ടീമാണ് സിംഹത്തിന് തിരക്കഥ രചിക്കുന്നത്. മമ്മൂട്ടി കേരളത്തിൻറെ മുഖ്യമന്ത്രിയായി അഭിനയിക്കുന്ന സിനിമ നിർമ്മിക്കുന്നത് ഇച്ചായീസ് പ്രൊഡക്ഷൻസ് ആണ്.
നേരത്തേ ഈ സിനിമയ്ക്ക് ‘വൺ’ എന്ന് പേരിട്ടതായി റിപ്പോർട്ടുകൾ ഉണ്ടായിരുന്നു. ശ്രീനിവാസൻ, രൺജി പണിക്കർ, വിഷ്ണു ഉണ്ണികൃഷ്ണൻ എന്നിവർ ഈ സിനിമയിൽ പ്രധാന കഥാപാത്രങ്ങളെ അവതരിപ്പിക്കുന്നു.
സഞ്ജയ് – ബോബി ടീം ആദ്യമായാണ് ഒരു മമ്മൂട്ടി ചിത്രത്തിന് രചന നിർവഹിക്കുന്നത്.
അതേസമയം, മമ്മൂട്ടി നായകനാകുന്ന ‘ഉണ്ട’ പ്രദർശനത്തിന് തയ്യാറായി. മാമാങ്കം, ഗാനഗന്ധർവ്വൻ, ബിലാൽ, അമീർ എന്നീ മമ്മൂട്ടിച്ചിത്രങ്ങൾ അവയുടെ നിർമ്മാണത്തിൻറെ വിവിധ ഘട്ടങ്ങളിലാണ് ഇപ്പോൾ.
