ആദ്യത്തെ സിനിമ റിലീസാകുന്നതിന് മുൻപ് തന്നെ നടിയെന്ന രീതിയിൽ ഏറെ പ്രശസ്തി നേടിയ താരമാണ് പ്രിയ പ്രകാശ് വാര്യർ.
ഒരു കണ്ണിറുക്കൽ രംഗത്തിന്റെ പേരിലാണ് താരം പ്രശസ്തയായത്. ഇപ്പോഴിതാ മറ്റൊരു വ്യത്യസ്ത എക്സ്പ്രഷനുമായി രംഗത്തെത്തിയിരിക്കുകയാണ് ആരാധകരുടെ സ്വന്തം പ്രിയ.
പ്രിയയുടെ ഒരു കാൻഡിഡ് വീഡിയോയാണ് ഇപ്പോൾ പുറത്ത് വന്നിരിക്കുന്നത്. ടിക്ടോക്കിലാണ് പ്രിയയുടെ വീഡിയോ വന്നിരിക്കുന്നത്.
പ്രിയ അറിയാതെ സുഹൃത്ത് വീഡിയോ എടുക്കുന്നതും ക്യാമറ തന്നെ ശ്രദ്ധിക്കുന്നതായി കാണുമ്പോൾ പ്രിയയുടെ രസകരമായ മുഖഭാവങ്ങളും ഡയലോഗുമാണ് വീഡിയോയിൽ ഉള്ളത്.
‘ആ നോട്ടം, എന്റെ സാറേ.. എന്നുമെന്റെ വീക്ക്നെസ് ആയിരുന്നു,’ എന്ന ക്യാപ്ഷനോടെയാണ് വീഡിയോ ടിക് ടോകിൽ പങ്കുവെച്ചിരിക്കുന്നത്.
കഴിഞ്ഞ ഫെബ്രുവരിയിലായിരുന്നു പ്രിയയെ ലോകോത്തര താരമാക്കി മാറ്റിയ ‘ഒരു അഡാർ ലവ്’ റിലീസിനെത്തിയത്.
ഇത് റിലീസ് ആകുന്നതിന് മുൻപ് തന്നെ താരം ബോളിവുഡിലും ചുവടുവെച്ചിരുന്നു. ‘ശ്രീദേവി ബംഗ്ലാവ്’ എന്ന് പേര് നൽകിയിരിക്കുന്ന ചിത്രത്തിലാണ് പ്രിയയ്ക്ക് അവസരം ലഭിച്ചത്.
ആദ്യടീസർ പുറത്തുവന്നപ്പോൾ മുതൽ തന്നെ ശ്രീദേവി ബംഗ്ലാവ് വിവാദങ്ങളുടെ നിഴലിലാണ്.
ബോളിവുഡ് ഇതിഹാസതാരം ശ്രീദേവിയുടെ ജീവിതകഥയാണ് ചിത്രം പറയുന്നതെന്ന അഭ്യൂഹങ്ങളാണ് ചിത്രത്തെ വിവാദമാക്കിയത്.
