മലയാള സിനിമയിലെ താരരാജാവ് മോഹന്‍ ലാല്‍ നായകനായി എത്തുന്ന പുതിയ ചിത്രമാണ് മലൈക്കോട്ടൈ വാലിബന്‍. ഹിറ്റ് സംവിധായകന്‍ ലിജോ ജോസ് പെല്ലിശ്ശേരി സംവിധാനം ചെയ്യുന്ന ചിത്രം ഈ മാസം 25നാണ് റിലീസ് ചെയ്യുന്നത്.
ലിജോ ജോസ് പെല്ലിശ്ശേരി മോഹന്‍ലാല്‍ കൂട്ടുകെട്ടില്‍ ഒരുങ്ങുന്ന ആദ്യ ചിത്രം കൂടിയാണ് മലൈക്കോട്ടൈ വാലിബന്‍. ചിത്രം തിയ്യേറ്ററിലെത്തുന്ന ദിവസത്തിനായി ആകാംഷയോടെ കാത്തിരിക്കുകയാണ് മോഹന്‍ലാല്‍ ആരാധകരും മലയാള സിനിമാപ്രേമികളും.
മലൈക്കോട്ടെ വാലിബന്‍ റിലീസിനൊരുങ്ങുമ്പോള്‍ മോഹന്‍ലാല്‍ നായകനായി എത്തുന്ന മറ്റൊരു ചിത്രവും അണിയറയില്‍ ഒരുങ്ങുന്നുണ്ട്. നടനും സംവിധായകനുമായ പൃഥ്വിരാജ് ഒരുക്കുന്ന എമ്പുരാനാണ് ആ ചിത്രം.
ചിത്രത്തിന്റെ ചിത്രീകരണം അതിവേഗം പുരോഗമിക്കുകയാണ്. എമ്പുരാന്റെ രണ്ടാം ഷെഡ്യൂള്‍ അവസാനിച്ചിരിക്കുകയാണ് ഇപ്പോള്‍. പൃഥ്വിരാജാണ് ഇക്കാര്യം സോഷ്യല്‍മീഡിയയിലൂടെ അറിയിച്ചിരിക്കുന്നത്. ഫേസ്ബുക്കിലൂടെയാണ് ഈ സന്തോഷവാര്‍ത്ത താരം അറിയിച്ചിരിക്കുന്നത്.
ലൊക്കേഷനില്‍ നിന്നുള്ള ഒരു ചിത്രവും താരം പങ്കുവെച്ചിട്ടുണ്ട്. പൃഥ്വിരാജിന്റെ പോസ്റ്റ് ഇതിനോടകം വൈറലായിക്കഴിഞ്ഞു. നിരവധി പേരാണ് പോസ്റ്റിന് താഴെ പ്രതികരിച്ചത്. അതേസമയം എമ്പുരാന്റെ റിലീസ് തിയ്യതിയൊന്നും ഇതുവരെ പ്രഖ്യാപിച്ചിട്ടില്ല.
