മലയാളികൾക്ക് ഏവർക്കും സുപരിചിതയാണ് നടിയും അവതാരകയും ആയ ശ്രീജ നായർ. ഇപ്പോൾ നടി പങ്കിട്ട ഒരു വീഡിയോയുമായി ബന്ധപ്പെട്ട ആരാധകരുടെ സംശയങ്ങൾക്ക് മനോഹരമായ കുറിപ്പിലൂടെയാണ് ശ്രീജ കാര്യങ്ങൾ വ്യക്തമാക്കുന്നത്.
‘ജീവിതത്തിൽ ഒരിക്കലങ്കിലും തേപ്പ് കിട്ടിയവരോ അല്ലങ്കിൽ അവഗണന കിട്ടി കൊണ്ടിരിക്കുന്നവർക്കോ വളരെ ഫീൽ കൊടുത്ത ഒരു വീഡിയോ ആണന്ന് തോന്നി.. എനിക്ക് അവരോട് വിഷമം തോന്നി. ഞാനും പ്രണയത്തിലും സൗഹൃദത്തിലും അത്തരം ജീവിത അവസ്ഥയിലൂടെ ഒക്കെ പല തവണ കടന്ന് പോയിട്ടുണ്ട്’ എന്ന് പറഞ്ഞു തുടങ്ങുന്ന പോസ്റ്റിന്റെ പൂർണ്ണ രൂപം വായിക്കാം.
ജീവിതത്തിൽ ഒരിക്കലെങ്കിലും തേപ്പ് കിട്ടിയവരോ അല്ലങ്കിൽ അവഗണന കിട്ടി കൊണ്ടിരിക്കുന്നവർക്കോ വളരെ ഫീൽ കൊടുത്ത ഒരു വീഡിയോ ആണന്ന് തോന്നി.. എനിക്ക് അവരോട് വിഷമം തോന്നി. ഞാനും പ്രണയത്തിലും സൗഹൃദത്തിലും അത്തരം ജീവിത അവസ്ഥയിലൂടെ ഒക്കെ പല തവണ കടന്ന് പോയിട്ടുണ്ട്..
അതിൽ നിന്ന് മോചിപ്പിക്കപ്പെടാൻ കുറെക്കാലം എടുക്കും.. വെറുതെയാണത് . നമ്മൾ ഓർത്ത് വിഷമിക്കുന്നവർ നമ്മളെ ഓർക്കുക കൂടി ഉണ്ടാവില്ല.. എന്നാലും അവരെ സ്‌നേഹിച്ചതിനെ ഓർത്ത് സങ്കടപ്പെടണ്ട.. കാരണം അത് നമ്മളുടെ ഉള്ളിലെ അവർ തിരിച്ചറിയാത്ത ആത്മാർത്ഥതയാണ് .. പക്ഷേ അവർക്ക് ഒപ്പം പിന്നാലെ വെറുതെ നടന്ന കാലത്തിനെ പറ്റി ഒരു ബോധ്യം നല്ലതാണ് .. ഇനിയും അത്തരം വിഡ്ഡി വേഷങ്ങൾ കെട്ടാതിരിക്കാൻ…
അതിനാൽ ആരും വിഷമിക്കണ്ട. ആത്മാർത്ഥമായി നമ്മളവരെ സ്‌നേഹിച്ചിട്ടും പ്രാധാന്യം കൊടുത്തിട്ടും അവർ നമ്മളിൽ നിന്ന് അകലാൻ ശ്രമിച്ചെങ്കിൽ അവർ പോവട്ടെ..
കാലം ഉരുളുമ്പോൾ ജീവിതത്തിന്റെ ആരവം ഒഴിഞ്ഞ് ഒറ്റപ്പെടുന്ന കാലത്ത് നമ്മുടെ ആത്മാർത്ഥത അവർ തിരിച്ചറിയുന്ന ഒരു കാലം അവരുടെ ജീവിതത്തിൽ ഉണ്ടാകും.. അന്ന് നമ്മളെ അവർ ഓർക്കാതിരിക്കില്ല.. നമ്മുടെ പ്രണയത്തിനും സൗഹൃദത്തിനും അന്ന് അവരിൽ. വിലയുണ്ടാവും…
പോയവർ പോകട്ടെ,.. ഇനിയും ക്ഷണിക്കപ്പെടാത്ത അതിഥികളായി പലരും നമ്മുടെ ജീവിതത്തിനെ തിരഞ്ഞെത്തും.. ആരോടും ആത്മാർത്ഥതക്ക് പോകാതെ ഒരു സംശയ ബുദ്ധിയിൽ തന്നെ നിർത്തുന്നതാണ് നമ്മുടെ മനസമാധാനത്തിന് നല്ലത്…
സഹിക്കാൻ കഴിയാത്ത വിഷമം ഒക്കെ തോന്നും അപ്പോൾ ആത്മഹത്യയിലേക്ക് ഒന്നും പോകരുത്… എന്റെ അടുത്ത് വന്നാൽ ഞാൻ കൗൺസിൽ ചെയ്യാം.. മറക്കാൻ ഉള്ള ടിപ്പും അതിനു പ്രാക്ടീസ് ചെയ്യാനുള്ള അഫർമേഷൻസ് ഒക്കെ പറഞ്ഞു തരാം,,.ലിസ്റ്റിലെ പല അവശ കാമുകി കാമുകരും വന്ന് മേടിക്കാറുണ്ട്,.. മിക്കവരും നോർമൽ ആയിട്ടുണ്ട്.. ചിലർ എന്നെപ്പോലെ സൈക്കോ ആണ്..അഫർമേഷൻ ചെയ്ത് ഉപബോധമനസ്സിൽക്കിടക്കുന്ന ആ ഇമേജ് അകറ്റാതെ വേദനകൾ വീണ്ടും വീണ്ടും ഓർത്ത് സ്വയം കുത്തിനോവിച്ച് മനസ്സും ഹൃദയവും നനച്ചും ഉരുക്കിയും അത് ആസ്വദിച്ച് ഉറങ്ങുന്നവർ…
ഇനി എന്തൊക്കെ ചെയ്തിട്ടും വേദന മാറുന്നില്ലങ്കിൽ അത്രത്തോളം സഹിക്കാൻ കഴിയുന്നില്ലങ്കിൽ. നിങ്ങളുടെ തള്ളവിരൽ എടുത്ത് കതകിനിടയിൽ വെച്ചശേഷം കണ്ണടച്ച് കതക് ശക്തിയായി അമർത്തുക… അല്ലങ്കിൽ ഒരു ചുറ്റിക എടുത്ത് നഖത്തിനിട്ട് ഒരു അടി അടിക്കുക. വിരൽ ചതഞ്ഞ് കിട്ടിയാൽ അതിന്റെ വിങ്ങലിൽ പിന്നെ രണ്ടാഴ്ചത്തേക്ക് വേറെ വേദന ഒന്നും നമ്മളെ അലട്ടില്ല… രണ്ടാഴ്ച കഴിഞ്ഞ് അടുത്ത വിരലിലും പ്രാക്ടീസ് ചെയ്യുക.. എന്ന് സ്വന്തം ധീരൂസ്
