സിനിമ പ്രേക്ഷകർ കാത്തിരിക്കുന്ന ചിത്രങ്ങളുടെ പട്ടികയിൽ സൂപ്പർ താരങ്ങളെ മുഴുവൻ പിന്നിലാക്കി പ്രണവ് മോഹൻലാൽ.
യുവനടന് മുന്നിൽ നിലവിലുള്ളത് രജനികാന്ത് മാത്രമാണ്. ഇരുപത്തിയൊന്നാം നൂറ്റാണ്ട് എന്ന ചിത്രമാണ് ഇപ്പോൾ രജനി ചിത്രം പേട്ടയ്ക്ക് പിന്നിലായി രണ്ടാമത്.
ഇന്റര്‍നെറ്റ് മൂവി ഡാറ്റ ബേസിലെ റിയല്‍ ടൈം പോപ്പുലാരിറ്റി ചാര്‍ട്ട് പ്രകാരം അജിത്ത് ചിത്രം വിശ്വാസത്തെ മൂന്നാമതാക്കിയാണ്ഒ പ്രണവിന്റെ മുന്നേറ്റം. പ്രിയ വാര്യരുടെ ചിത്രം അഡാര്‍ ലവ് ഒമ്പതാം സ്ഥാനത്തുണ്ട്.
ആദിയിലൂടെ നായകനായി അരങ്ങേറിയ പ്രണവ് നായകനായ രണ്ടാമത്തെ ചിത്രമാണ് ഇരുപത്തിയൊന്നാം നൂറ്റാണ്ട്. സ്റ്റണ്ട് മാസ്റ്റര്‍ പീറ്റര്‍ ഹെയ്‌ൻ ഒരുക്കുന്ന വമ്പന്‍ സംഘട്ടന രംഗങ്ങളാണ് ഈ ചിത്രത്തിന്റെ ഹൈലൈറ്റ് എന്നാണ് റിപ്പോര്‍ട്ടുകള്‍.
പ്രണവ് മോഹന്‍ലാലിന്റെ സര്‍ഫിങ് രംഗങ്ങള്‍ക്കു ഒപ്പം ഒരു ട്രെയിന്‍ ഫൈറ്റും ഈ ചിത്രത്തിന്റെ ഭാഗം ആണ്.
മനോജ് കെ ജയന്‍, കലാഭവന്‍ ഷാജോണ്‍, ധര്‍മജന്‍ ബോള്‍ഗാട്ടി, ജി സുരേഷ് കുമാര്‍ എന്നിവരും ഈ ചിത്രത്തില്‍ നിര്‍ണായക വേഷം ചെയ്യുന്നുണ്ട്.
ആക്ഷന് ഒപ്പം റൊമാന്‌സിനും ഈ ചിത്രത്തില്‍ പ്രാധാന്യം ഉണ്ട്. അരുണ്‍ ഗോപി തന്നെയാണ് ചിത്രത്തിന്റെ തിരക്കഥയും തയ്യാറാക്കിയിരിക്കുന്നത്.
ക്യാമറ അഭിനന്ദ് രാമാനുജനും സംഗീത സംവിധാനം ഗോപിസുന്ദറുമാണ് നിര്‍വഹിച്ചിരിക്കുന്നത്. ചിത്രം ജനുവരിയില്‍ തിയേറ്ററുകളില്‍ എത്തും.
