മലയാളത്തിന്റെ മിനിസ്‌ക്രീനിലും ബിഗ് സ്‌ക്രീനിലും ഒരുപോലെ ആരാധകരുള്ള താരമാണ് നടിയും അവതാരകയുമായ പേളി മാണി. പേളിയെ പോലെ തന്നെ ഭർത്താവ് ശ്രീനീഷിനും നിരവധി ആരാധകരുണ്ട്. ഇപ്പോൾ മലയാളികളുടെ പ്രിയപ്പെട്ട താര ദമ്പതികളാണ് ഇരുവരും.
ബിഗ് ബോസ് ഷോയിൽ വെച്ചാണ് ഇവരുടെ പ്രണയം തുടങ്ങുന്നത്. പിന്നീട് തങ്ങളുടെ കുഞ്ഞുവിശേഷം പോലും ഇവർ ആരാധകരുമായി പങ്കുവെക്കും. ഇപ്പോഴിതാ അത്തരത്തിൽ തങ്ങളുടെ ജീവിതത്തിലെ വലിയൊരു ആഗ്രഹം സഫലമായതിനെ കുറിച്ചാണ് പേളിയും ശ്രീനിയും പറയുന്നത്.
പുതിയ വീട് സ്വന്തമാക്കിയിരിക്കുകയാണ് ദമ്പതികൾ. ദ്വീപിലാണ് പേളിയുടെയും ശ്രീനിഷിന്റെയും പുതിയ അപ്പാർട്ട്‌മെന്റ്.
കൊച്ചി നഗരത്തിലെ സിൽവർ സ്റ്റാർ ഐലന്റിലാണ് ഇത്. ഏത് ആളുടെയും ആഗ്രഹമാണ് വീട് വയ്ക്കുക എന്നത് . 2023ൽ ഒരു യുട്യൂബ് സ്റ്റുഡിയോ തുടങ്ങണമെന്നായിരുന്നുവെന്നും അത് സാധിച്ചുവെന്നും 2024ലെ ആഗ്രഹമാണ് പുതിയ വീടെന്നും പേളി വീഡിയോയിൽ പറഞ്ഞു. ആശുപത്രിയും മാളും ഉൾപ്പെടെ എല്ലാം കയ്യെത്തും ദൂരത്ത് ഉണ്ടെന്നും ഇരുവരും പറഞ്ഞു.
ടു ബിഎച്ച്‌കെ അപ്പാർട്ട്‌മെന്റ് ആണിത്. 60ലക്ഷം രൂപയാണ് ഇതിന്റെ വില. വൈറ്റിലയിൽ ഇത്തരത്തിൽ ടു ബിഎച്ച്‌കെ അപ്പാർട്ട്‌മെന്റ് ലഭിക്കുക എന്നത് വളരെ ലാഭമാണെന്നും ഇരുവരും പറയുന്നുണ്ട്. ഇവിടെ ഇനിയും ഫ്‌ലാറ്റുകൾ ഒഴിഞ്ഞ് കിടക്കുന്നതിനാൽ തങ്ങളുടെ അയൽവാസികളാകാൻ പേളി മറ്റുള്ളവരെയും ക്ഷണിക്കുന്നുണ്ട്.
