പർദ്ദയും ബുർഖയുമണിഞ്ഞ് നടി സായ് പല്ലവി; വീഡിയോ വൈറൽ

പൊതുനിരത്തുകളിലും പൊതു സ്ഥലങ്ങളിലും സമയം ചെലവഴിക്കാൻ എല്ലാവരെയും പോലെ കഴിയുന്നില്ല എന്നത് സിനിമ താരങ്ങളുടെ സ്ഥിരം പരാതിയാണ്. പലരും അതിനെ മറികടക്കാൻ കാണുന്ന മാർഗ്ഗം വേഷം മാറലാണ്.

അത്തരം വാർത്തകൾ ഒരുപാട് മുൻപും പുറത്തുവന്നിട്ടുമുണ്ട്. പ്രശസ്ത തെന്നിന്ത്യൻ നടി സായ് പല്ലവിയാണ് ഇപ്പോൾ വാർത്തകളിൽ നിറയുന്നത്.

ALSO READ

ഭീഷ്മ പർവ്വത്തിൽ താനില്ലെന്ന് വിനീത് ശ്രീനിവാസൻ ; അഭിനയിച്ച് കഴിഞ്ഞിട്ട് അതല്ല ഇതാണ് എന്നൊക്കെ പറഞ്ഞിട്ട് കാര്യമുണ്ടോ എന്ന് ആരാധകർ

പർദ്ദയും ബുർഖയുമണിഞ്ഞ താരത്തെ ആരും തിരിച്ചറിയാത്തതിനെക്കുറിച്ചാണ് ഇപ്പോൾ ചർച്ച. സ്‌ക്രീനിൽ അഭിനയിച്ച് തകർക്കുന്ന നായികയാണ് തൊട്ടടുത്തിരുന്ന് സിനിമ കാണുന്നതെന്ന് ആരാധകർ ആരുമറിഞ്ഞില്ല. നടി സായ് പല്ലവിയാണ് തൻറെ പുതിയ സിനിമയായ ‘ശ്യാം സിൻഹ റോയി’ കാണാൻ വേഷം മാറി തിയേറ്ററിലെത്തിയത്. ഹൈദരാബാദിലെ ശ്രിരാമുലു തിയേറ്ററിൽ രാത്രിയിലെ പ്രദർശനത്തിനാണ് സായ് എത്തിയത്.

പർദ്ദയും ബുർഖയുമണിഞ്ഞെത്തിയ നടിയെ സിനിമ അവസാനിച്ചിറങ്ങുമ്പോഴും ആരും തിരിച്ചറിഞ്ഞില്ല. നടി തിയേറ്ററിലേക്ക് വരുന്നതും സിനിമ കാണുന്നതും തിരിച്ചിറങ്ങുന്നതുമായ വീഡിയോ ഇപ്പോൾ സോഷ്യൽ മീഡിയയിൽ വൈറലാണ്.

ALSO READ

ഒരു ഗായകൻ ഒരിക്കലും ‘പിന്നണിയിൽ’ മാത്രം നിൽക്കേണ്ട ആളല്ല, എന്റെ കഴിവ് എന്താണെന്ന് മനസിലാക്കി തന്നത് അവിടെ നിന്നാണ്: വൈറലായി ഗായകൻ അരുൺ ഗോപന്റെ വാക്കുകൾ

ഡിസംബർ 24നാണ് നാനി നായകനായ ശ്യാം സിൻഹ റോയി തിയ്യേറ്ററിലെത്തിയത്. മികച്ച പ്രതികരണം നേടിയ സിനിമയിൽ സായ് പല്ലവിക്ക് പുറമെ മഡോണ സെബാസ്റ്റ്യൻ, കൃതി ഷെട്ടി എന്നിവരും പ്രധാന വേഷങ്ങൾ കൈകാര്യം ചെയ്യുന്നുണ്ട്.