ആരാധകരുടെ പ്രതീക്ഷകള്‍ വാനോളം ഉയര്‍ത്താന്‍ ഒടിയന്‍ മാണിക്യന്‍ വീണ്ടും അവതരിക്കുന്നു എന്നാണ് അനൗദ്യോഗിക റിപോര്‍ട്ടുകള്‍ പുറത്തുവരുന്നത്.
ആശിര്‍വാദ് സിനിമാസിന്റെ ബാനറില്‍ നിര്‍മിക്കുന്ന എക്കാലത്തെയും വലിയ ചിത്രമാകും ഒടിയന്‍ 2. ഇതുവരെ മലയാള സിനിമ കാണാത്ത ആക്ഷന്‍ രംഗങ്ങള്‍ക്കും ഒടിയന്‍ 2 കാത്തുവെക്കുക.
മലയാളത്തിലെ സ്ഥിരം മേക്കിങ് രീതികളില്‍ നിന്നും വ്യത്യസ്തമായിട്ടായായിരിക്കും ശ്രീകുമാര്‍ മേനോന്‍ സിനിമയെ ഒരുക്കുന്നത്. ഹോളിവുഡ് ചിത്രങ്ങളുടെ അവതരണശൈലിയിലാവും ഒടിയന്‍ അരങ്ങിലെത്തുക.
ഹോളിവുഡ് ചിത്രങ്ങളായ ലോര്‍ഡ് ഓഫ് ദി റിങ്സ്, ട്രോയ്, തുടങ്ങിയ ചിത്രങ്ങളുടെ സാങ്കേതിക വിദ്യ കൈകാര്യം ചെയ്തവരാകും ചിത്രത്തിന്റെ അണിയറ പ്രവര്‍ത്തകര്‍.
മോഹന്‍ലാലിന്റെ സിനിമാ ചരിത്രത്തിലെ ഏറ്റവും വെല്ലുവിളികള്‍ നിറഞ്ഞ ഒന്നാകും ഒടിയന്‍ മാണിക്യന്‍ എന്നാണ് പുറത്തുവരുന്ന റിപ്പോര്‍ട്ടുകള്‍.
തിരശീലയില്‍ ആക്ഷന്‍രംഗങ്ങള്‍കൊണ്ട് മായാജാലം തീര്‍ക്കുന്നതായിരിക്കും ഒടിയന്‍ 2. മോഹന്‍ലാല്‍ ആരാധകര്‍ക്ക് എല്ലാംതരത്തിലും ആഘോഷിക്കാന്‍ കഴിയുന്ന ഒരു ബ്രഹ്മാണ്ഡ ചിത്രമായിട്ടായിരിക്കും ഒടിയന്‍ എത്തുന്നത്.
ഇന്ത്യയിലെ ഏറ്റവും വലിയ താരനിരയായിരിക്കും ഒടിയന്റെ രണ്ടാം ഭാവത്തില്‍ അണിനിരക്കുക.ആരാധകര്‍ കാണാന്‍ ആഗ്രഹിച്ച വിവിധ താരങ്ങള്‍ ഒരുമിച്ച് സ്‌ക്രീനിലെത്തും എന്നാണ് റിപ്പോര്‍ട്ടുകള്‍. “വെള്ളിനക്ഷത്ര”മാണ് ഇക്കാര്യം റിപ്പോര്‍ട്ട് ചെയ്തിരിക്കുന്നത്‌
