ദിലീഷ് പോത്തൻ ഫഹദ് ഫാസിൽ സുരാജ് വെഞ്ഞാറമ്മുട് എന്നിവരെ കേന്ദ്രകഥാപാത്രങ്ങളാക്കി ഒരുക്കിയ സിനിമയായിരുന്നു തൊണ്ടിമുതലും ദൃക്സാക്ഷിയും. സൂപ്പർ വിജയമായി മാറിയ ഈ ക്ലാസ്സ് ചിത്രത്തിലൂടെ മലയാള സിനിമയിൽ അരങ്ങേറ്റം കുറിച്ച നടിയാണ് നിമിഷ സജയൻ.
തന്റെ ആദ്യ ചിത്രത്തിലെ ഗംഭീര പ്രകടനത്തിലൂടെ തന്നെ നിമിഷ പ്രേക്ഷകരുടെ പ്രിയതാരമായി മാറിയിരുന്നു. ഇപ്പോഴിതാ മലയാളവും കടന്ന് ഇംഗ്ലീഷ് ചിത്രത്തിൽ അഭിനയിക്കാൻ തയ്യാറെടുക്കുകയാണ് നിമിഷ സജയൻ. ഫുട് പ്രിന്റ്‌സ് ഓൺ വാട്ടർ എന്ന് പേരിട്ടിരിക്കുന്ന ഈ ചിത്രത്തിൽ നിമിഷയുടെ ഒപ്പം പ്രശസ്ത ബോളിവുഡ് താരം ആദിൽ ഹുസൈനും അഭിനയിക്കുന്നുണ്ട്.
നഥാലിയ ശ്യാം എന്ന വനിതാ സംവിധായക ആണ് ഇന്ത്യൻ ഇംഗ്ലീഷ് ചിത്രമായി ഒരുങ്ങുന്ന ഫുട ്പ്രിന്റ്‌സ് ഓൺ വാട്ടർ സംവിധാനം ചെയ്യുന്നത് .സംവിധായികയുടെ സഹോദരിയായ നീത ശ്യാം ആണ് ഈ ചിത്രത്തിന് വേണ്ടി തിരക്കഥ രചിച്ചിരിക്കുന്നത്.
ലെന കുമാർ, ബ്രിട്ടീഷ് താരം അന്റോണിയോ അകീൽ എന്നിവരും അഭിനയിക്കുന്ന ഈ ചിത്രത്തിന് വേണ്ടി ക്യാമറ ചലിപ്പിക്കുന്നത് പ്രശസ്ത ക്യാമെറാമാനായ അഴകപ്പൻ ആണ്. മോഹൻ നാടാർ ആണ് ഈ ചിത്രം നിർമ്മിക്കുന്നത്.
ഏതായാലും കൈ നിറയെ ചിത്രങ്ങളുമായി ഇന്ന് മലയാളത്തിലെ മുൻനിര നായികയായി മാറിയിരിക്കുകയാണ് നിമിഷ. നേരത്തെ തൊണ്ടിമുതലും ദൃക്സാക്ഷിയും എന്ന സിനിമയ്ക്ക് പുറകേ ഈഡാ, മംഗല്യം തന്തുനാനേന, ഒരു കുപ്രസിദ്ധ പയ്യൻ, നാൽപത്തിയൊന്ന്, ചോല, സ്റ്റാൻഡ് അപ്, വൺ, തുറമുഖം, മാലിക് എന്നീ ചിത്രങ്ങളിലും നിമിഷ അഭിനയിച്ചിരുന്നു.
ഒരു കുപ്രസിദ്ധ പയ്യൻ, ചോല എന്നീ ചിത്രങ്ങളിലെ പ്രകടനത്തിന് മികച്ച നടിക്കുള്ള കേരള സംസ്ഥാന പുരസ്‌കാരവും നിമിഷ സ്വന്തമാക്കിയിരുന്നു. അതേ സമയം നിമിഷാ സജയൻ അഭിനയിച്ചു ഇനി റിലീസ് ചെയ്യാൻ ഉള്ള മലയാള ചിത്രങ്ങൾ മമ്മൂട്ടി ചിത്രമായ വൺ, ഫഹദ് ഫാസിൽ ചിത്രമായ മാലിക്, സിദ്ധാർഥ് ഭരതൻ ചിത്രമായ ജിന്ന്, നിവിൻ പോളി ചിത്രമായ തുറമുഖം എന്നിവയാണ്.
