മലയാള സിനിമയില്‍ ഇത് ഹിറ്റ് ചിത്രങ്ങളുടെ കാലമാണ്. അടുത്തിടെ പുറത്തിറങ്ങിയ മിക്ക ചിത്രങ്ങളും വമ്പന്‍ഹിറ്റുകളായിരുന്നു. ഇതില്‍ സൂപ്പര്‍താര ചിത്രങ്ങളല്ലാത്ത ചിത്രങ്ങളും ഉള്‍പ്പെടുന്നു. താരങ്ങള്‍ക്ക് പ്രധാന്യം നല്‍കാതെ ഇന്ന് സിനിമയുടെ ഉള്ളടക്കം നോക്കിയാണ് പലരും സിനിമ കാണാനായി എത്തുന്നത്.
ഇനിയും ഒത്തിരി ചിത്രങ്ങള്‍ തിയ്യേറ്ററിലെത്താനിരിക്കുകയാണ്. അതില്‍ സൂപ്പര്‍ താരചിത്രങ്ങളും യുവതാര ചിത്രങ്ങളുമെല്ലാം ഉള്‍പ്പെടുന്നു. ബറോസ് ആണ് മോഹന്‍ലാലിന്റെ പുറത്തിറങ്ങാനിരിക്കുന്ന അടുത്ത ചിത്രം. അദ്ദേഹം തന്നെയാണ് ഈ ചിത്രം സംവിധാനം ചെയ്തിരിക്കുന്നത്.
ഭ്രമയുഗമാണ് മമ്മൂട്ടിയുടേതായി വരാനിരിക്കുന്ന ചിത്രം. മമ്മൂട്ടിയുടെ അടുത്ത ഞെട്ടിക്കുന്ന പ്രകടനത്തിനായി കാത്തിരിക്കുകയാണ് ആരാധകര്‍. വൈശാഖ് സംവിധാനം ചെയ്യുന്ന മമ്മൂട്ടി ചിത്രം ടര്‍ബോയും ഈ വര്‍ഷം തിയ്യേറ്ററുകളിലെത്തും.
ഒരു ആക്ഷന്‍ കോമഡി പടമായിരിക്കും ഇത്. മമ്മൂട്ടിയുടെ ബസൂക്കയും ഈ വര്‍ഷം തന്നെ തിയ്യേറ്ററിലെത്തുമെന്നാണ് വിവരം. കൂടാതെ പൃഥ്വിരാജിന്റെ ാടുജീവിതം ടൊവിനോയുടെ അജയന്റെ രണ്ടാം മോഷണം, ജയസൂര്യയുടെ കത്തനാരും ഉടനെ തിയ്യേറ്ററുകളിലെത്തും.
Also Read:ഫൈറ്റില്‍ ലാലേട്ടനേക്കാള്‍ ഈസി വിജയ്, ഞങ്ങള്‍ കെട്ടിമറിഞ്ഞായിരുന്നു അടി, ഹരീഷ് പേരടി പറയുന്നു
പ്രണവ് മോഹന്‍ലാല്‍ പ്രധാനവേഷത്തിലെത്തുന്ന വര്‍ഷങ്ങള്‍ക്ക് ശേഷവും ഉടന്‍ റിലീസ് ചെയ്യും. ഇതൊന്നും കൂടാതെ പൃഥ്വിരാജിന്റെ സംവിധാനത്തില്‍ ഒരുങ്ങുന്ന മോഹന്‍ലാല്‍ നായകനായ ബിഗ് ബജറ്റ് ചിത്രം എമ്പുരാനും ഡിസംബറില്‍ തിയ്യേറ്ററുകളിലെത്തിയേക്കും.
