ലേഡി സൂപ്പർതാരം നയൻതാരയും തമിഴകത്തെ യുവ നടൻ ശിവകാർത്തികേയനും ഒന്നിക്കുന്ന മിസ്റ്റർ ലോക്കലിന്റെ ട്രെയിലർ പുറത്തിറങ്ങി.
വേലൈക്കാരൻ എന്ന ഹിറ്റ് സിനിമയ്ക്ക് ശേഷം ശിവകാർത്തിക്കേയനും നയൻതാരയും ഒന്നിക്കുന്ന ചിത്രമാണിത്.
മികച്ച സ്വീകാര്യതയാണ് ട്രെയിലറിന് ലഭിച്ചു കൊണ്ടിരിക്കുന്നത്. റിലീസ് ചെയ്ത് ഒരു ദിനം പിന്നിടുമ്പോൾ ട്രെയിലറിന് 10 ലക്ഷത്തിന് മേൽ കാഴ്ച്ചക്കാരായിട്ടുണ്ട്.
ചിത്രത്തിൽ മനോഹർ എന്ന കഥാപാത്രമായി ശിവകാർത്തികേയൻ എത്തുമ്പോൾ ബിസിനസ് വുമൺ ആയ കീർത്തന എന്ന കഥാപാത്രത്തെയാണ് നയൻതാര എത്തുന്നത്.
ശിവകാർത്തികേയനും നയൻതാരയ്ക്കും പുറമേ യോഗി ബാബു, രാധിക, സതീഷ്, ആർജെ ബാലാജി തുടങ്ങി വമ്പൻ താരങ്ങളാണ് ഈ ചിത്രത്തിൽ അണിനിരക്കുന്നത്.
എം രാജേഷ് തിരക്കഥ എഴുതി സംവിധാനം ചെയ്യുന്ന ചിത്രത്തിന് ദിനേഷ് കൃഷ്ണൻ ആണ് ഛായാഗ്രാഹണം നിർവഹിക്കുന്നത്.
ഹിപ് ഹോപ് തമിഴാ സംഗീതസംവിധാനം നിർവഹിക്കുന്ന ചിത്രം സ്റ്റുഡിയോ ഗ്രീനിന്റെ ബാനറിൽ കെഇ ജ്ഞാനവേൽരാജയാണ് നിർമ്മിക്കുന്നത്. മെയ് 17 ന് ചിത്രം തിയേറ്ററുകളിലെത്തും.
