കലോല്‍സവ വേദിയില്‍ നിന്നും സിനിമയിലേക്ക് എത്തി പിന്നീട് മലയാളികളുടെ എക്കാലത്തെയും പ്രിയപ്പെട്ട നായികയായി മാറിയ താരമാണ് നടി നവ്യാ നായര്‍. മലയാളത്തിന്റെ ജനപ്രിയ നടന്‍ ദിലീപ് നായകനായ ഇഷ്ടം എന്ന സിബിമലയില്‍ സംവിധാനം ചെയ്ത സിനിമയില്‍ അഭിനയിച്ചു കൊണ്ട് ആയിരുന്നു സിനിമയിലേക്കുള്ള താരത്തിന്റെ അരങ്ങേറ്റം. പിന്നീട് നിരവദി ചിത്രങ്ങളിലൂടെ നവ്യ ആരാധകരുടെ പ്രിയപ്പെട്ട നടിയായി.
വിവാഹശേഷം സിനിമ വിട്ട നവ്യ പിന്നീട് റിയാലിറ്റി ഷോ ജഡ്ജായും നര്‍ത്തകിയായും ആരാധകര്‍ക്ക് മുന്നിലേക്ക് എത്തി. നീണ്ട ഇടവേളയ്ക്ക് ശേഷം സിനിമകളിലും സജീവമാവുകയാണ് താരം.അവസാനമായി താരത്തിന്റേതായി ഒരുങ്ങിയ ചിത്രം ജാനകി ജാനേ ആയിരുന്നു.
ഇപ്പോഴിതാ നവ്യയുമായി ബന്ധപ്പെട്ട ഒരു വിവാദമാണ് സോഷ്യല്‍മീഡിയയില്‍ നിറയുന്നത്. അടുത്തിടെ കള്ളപ്പണക്കേസില്‍ അറസ്റ്റിലായ ഐആര്‍എസ് ഉദ്യോഗസ്ഥന്‍ സച്ചിന്‍ സാവന്തുമായി നവ്യയ്ക്ക് ബന്ധമുണ്ടെന്നും സച്ചിന്റെ കൈയ്യില്‍ നിന്നും നവ്യ സ്വര്‍ണ്ണാഭരണങ്ങള്‍ കൈപ്പറ്റിയെന്നുമാണ് പുറത്തുവരുന്ന റിപ്പോര്‍ട്ടുകള്‍.
ഇഡി ചോദ്യം ചെയ്യലില്‍ താന്‍ നവ്യയുമായി ഡേറ്റിങ്ങിലാണെന്നും വിലപിടിപ്പുള്ള സമ്മാനങ്ങള്‍ നല്‍കിയിട്ടുണ്ടെന്നും സച്ചിന്‍ പറഞ്ഞിരുന്നു. ഇപ്പോഴിതാ ഇതില്‍ പ്രതികരിച്ച് രംഗത്തെത്തിയിരിക്കുകയാണ് നവ്യ. തനിക്ക് സച്ചിനുമായി വലിയ അടുപ്പമൊന്നുമില്ലെന്ന് നവ്യ പറയുന്നു.
തനിക്ക് സച്ചിനെ പരിചയമുണ്ട്. ഗുരുവായൂര്‍ അമ്പലത്തില്‍ തൊഴാന്‍ വരുമ്പോള്‍ സഹായിച്ചിട്ടുണ്ടെന്നും മുംബൈയില്‍ തമാസിക്കുമ്പോള്‍ തങ്ങളുടെ അയല്‍വാസിയായിരുന്നു സച്ചിനെന്നും മകന്റെ ജന്മദിനാഘോഷത്തിന് ക്ഷണിച്ചപ്പോള്‍ സച്ചിന്‍ വന്ന് സമ്മാനം തന്നിരുന്നു എന്നാല്‍ അത് എന്തായിരുന്നുവെന്ന് താന്‍ ഓര്‍ക്കുന്നില്ലെന്നും നവ്യ പറയുന്നു.
