ഇടക്കാലത്ത് ഒരു നീണ്ട ഇടവേള ഉണ്ടായെങ്കിലും വർഷങ്ങളായി മലയാള സിനിമയിൽ നിറഞ്ഞു നിൽക്കുന്ന സൂപ്പർ നടിയാണ് മലയാളത്തിന്റെ പ്രിയപ്പെടപ്പെട്ട ലേഡീസ് സൂപ്പർസ്റ്റാർ മഞ്ജു വാര്യർ. 1995 ൽ പുറത്തിറങ്ങിയ മോഹൻ സംവിധാനം ചെയ്ത സാക്ഷ്യം എന്ന ചിത്രത്തിലെ ഒരു ചെറിയ വേഷം ചെയ്താണ് മഞ്ജു അഭിനയ രംഗത്തേക്ക് എത്തിയത്.
മികച്ച ഒരു നർത്തകി കൂടിയായ മഞ്ജു വാര്യർ സംസ്ഥാന സ്‌കൂൾ കലോൽസവത്തിലെ കലാതിലകം കൂടി ആയിരുന്നു. അവിടെ നിന്നുമാണ് മഞ്ജു വാര്യർ സിനിമാ ലോകത്തേക്ക് എത്തുന്നത്. സുരേഷ് ഗോപിയും മുരളിയും ഗൗതമിയും പ്രധാന വേഷത്തിൽ എത്തിയ സാക്ഷ്യത്തിന് ശേഷം പിന്നീട് മഞ്ജു വാര്യർ നായികയായിട്ടാണ് അരങ്ങേറിയത്.
സുന്ദർദാസ് ലോഹിതദാസ് ടീമിന്റെ സല്ലാപം എന്ന ചിത്രത്തിലൂടെ ജനപ്രിയ നായകൻ ദിലീപിന്റെ നായികയായി എത്തിയ മഞ്ജുവിനെ മലയാളികൾ ഇരുകൈയ്യും നീട്ടി സ്വീകരിക്കുക ആയിരുന്നു. പിന്നീട് മലയാളികളെ അമ്പരിപ്പിച്ച ഒരു പിടി വേഷങ്ങളാണ് മഞ്ജുവാര്യർ അവതരിപ്പിച്ചത്. വിവാഹത്തോടെ സിനിമ വിട്ട മഞ്ജു പിന്നീട് നീണ്ട ഇടവേളയ്ക്ക് ശേഷം തിരിച്ചെത്തിയത് മറ്റൊരു മുഖവുമായിട്ടായിരുന്നു.
അഡ്വെഞ്ചർ ഇഷ്ടപ്പെടുന്ന മഞ്ജു വാര്യരാണ് ഇപ്പോൾ പ്രേക്ഷകരെ അമ്പരപ്പിക്കുന്നത്. കാരം ഇരുചക്ര വാഹനത്തിനുള്ള ലൈസൻസും പുതിയ ബൈക്കും സ്വന്തമാക്കിയിരിക്കുകയാണ്. നടൻ അജിത്തിന്റെ ഇൻസ്പിരേഷനാണ് ഇതെന്ന് മഞ്ജു തന്നെ പറഞ്ഞിരുന്നു.
പുത്തൻ ബൈക്ക് സ്വന്തമാക്കിയതിന് പിന്നാലെ ട്രിപ്പിംഗ് മോഡിലാണ് നടി. ബിഎംഡബ്ല്യൂ ബൈക്കിൽ ജാക്കറ്റും അണിഞ്ഞ് റൈഡിന് പോകാനൊരുങ്ങുന്ന മഞ്ജുവിന്റെ ചിത്രങ്ങൾ കഴിഞ്ഞ ദിവസം സോഷ്യൽ മീഡിയയിലെത്തിയപ്പോൾ തന്നെ വലിയ ചർച്ചയായിരുന്നു.
ഈ ചിത്രങ്ങൾക്ക് നടി നവ്യ നായർ നൽകിയ കമന്റാണ് ഇപ്പോൾ വൈറലാകുന്നത്. മഞ്ജു വാര്യരുടെ ഫോട്ടോ പങ്കുവച്ച്, ”സമ്മതിച്ചു ചേച്ചീ.. ഇതൊക്കെ കാണുമ്പോ എന്നെയൊക്കെ എടുത്തു കിണറ്റിൽ ഇടാൻ തോന്നുന്നു”- എന്ന് നവ്യ നായർ കുറിച്ചത്. ഈ കമന്റ് സോഷ്യൽ മീഡിയ ഏറ്റെടുക്കുകയും ചെയ്തു. അഡ്വഞ്ചർ വിഭാഗത്തിൽപ്പെടുന്ന ബിഎംഡബ്ല്യൂ ബൈക്കിലാണ് മഞ്ജുവിന്റെ ഇപ്പോഴത്തെ യാത്ര. ഈ ബൈക്കിന് 28 ലക്ഷം രൂപയാണ് വിപണി വില
തനിക്ക് ബൈക്ക് വാങ്ങാനും ഓടിക്കാനുമുള്ള ആഗ്രഹത്തെക്കുറിച്ച് മഞ്ജു വാര്യർ ലൈസൻസ് എടുക്കുമ്പോൽ വെളിപ്പെടുത്തിയിരുന്നു. തുണിവ് എന്ന ചിത്രത്തിന്റെ ഇടവേളയിൽ നടൻ അജിത്ത് കുമാർ ലഡാക്കിലേക്ക് നടത്തിയ 2500 കിലോമീറ്റർ ദൂരം ബൈക്ക് ട്രിപ്പിൽ മഞ്ജുവും ചേർന്നിരുന്നു. അജിത്ത് ഓടിച്ചിരുന്ന അതേ സീരീസിലുള്ള ബിഎംഡബ്ല്യു ബൈക്ക് ആണ് മഞ്ജുവും ഇപ്പോൾ സ്വന്തമാക്കിയിരിക്കുന്നത്.
