മലയാള സിനിമയിലെ താരരാജാവാണ് മമ്മൂട്ടി. ഇതിനോടകം ഒത്തിരി സിനിമകളില്‍ അഭിനയിച്ച മമ്മൂട്ടിക്ക് ഇന്ന് ലക്ഷക്കണക്കിന് ആരാധകരാണുള്ളത്. മലയാള സിനിമയില്‍ മമ്മൂട്ടിയെ വെല്ലുന്ന സൗന്ദര്യമുള്ള മറ്റൊരു നടന്‍ ഇല്ലെന്നാണ് ആരാധകര്‍ ഒന്നടങ്കം പറയുന്നത്.
പ്രായം വെറും നമ്പര്‍ മാത്രമാണെന്നാണ് മമ്മൂട്ടി തന്റെ ആരോഗ്യ സൗന്ദര്യ സംരക്ഷണത്തിലൂടെ തെളിയിച്ചുകൊണ്ടിരിക്കുന്നത്. ഇപ്പോഴിതാ മമ്മുട്ടിയെ കുറിച്ച് സംസാരിക്കുകയാണ് നടനും നിര്‍മ്മാതാവുമായ നാസര്‍ ലത്തീഫ്.
മലയാള സിനിമാഇന്‍ഡസ്ട്രിയിലെ തലതൊട്ടപ്പനാണ് മമ്മൂട്ടിയെന്ന് അദ്ദേഹം പറഞ്ഞു. മലയാള ഫിലിം ഇന്‍ഡസ്ട്രി വാഴുന്ന ചക്രവര്‍ത്തിയാണ് മമ്മൂട്ടിയെന്നും മോഹന്‍ലാലടക്കം സ്വന്തം ജ്യേഷ്ടനെ പോലെയാണ് താരത്തെ കാണുന്നതെന്നും നാസര്‍ ലത്തീഫ് പറഞ്ഞു.
ആവശ്യമുള്ള സമയങ്ങളില്‍ മമ്മൂട്ടി അമ്മ സംഘടനയുടെ കാര്യങ്ങളില്‍ ഇടപെടാറുണ്ട്. മമ്മൂക്ക പറയുന്നതൊക്കെ എല്ലാവരും അനുസരിക്കുമെന്നും അദ്ദേഹത്തിന്റെ വാക്കിനപ്പുറം ഒന്നുമില്ലെന്നും മോഹന്‍ലാല്‍ പോലും ബഹുമാനിക്കുന്നുണ്ടെന്നും അദ്ദേഹം കൂട്ടിച്ചേര്‍ത്തു.
മമ്മൂട്ടിയെയും മോഹന്‍ലാലിനെയും കുറിച്ച് സിനിമാക്രിട്ടിക്‌സ് പല കാര്യങ്ങളും പറയാറുണ്ട്. എന്നാല്‍ ഇവര്‍ക്കിടയില്‍ അതൊന്നുമില്ലെന്നും ഇരുവരും സഹോദരങ്ങളെ പോലെയാണെന്നും മമ്മൂക്കയ്ക്കും ലാലിനും അവരവരുടേതായ സ്ഥാനം മലയാള സിനിമയിലുണ്ടെന്നും അദ്ദേഹം പറയുന്നു.
