ബോളിവുഡിന്റെ മസില്‍മാന്‍ സല്‍മാന്‍ ഖാന്റെ നിര്‍മ്മാണത്തിലൊരുങ്ങുന്ന പുതിയ ചിത്രം ലവ് രാത്രിയിലെ പുതിയ ഗാനം പുറത്തുവിട്ടു. ആഖ് ലഡ് ജാവേ എന്ന വീഡിയോ ഗാനമാണ് റിലീസ് ചെയ്തിരിക്കുന്നത്. തനിഷ്‌ക് ബാഗ്ചിയുടെയും ബാദ്ഷായുടെയും വരികള്‍ക്ക് ബാഗ്ചി തന്നെയാണ്് സംഗീതം നല്‍കിയിരിക്കുന്നത്. ബാദ്ഷായും അസീസ് കൗറും ചേര്‍ന്നാണ് ഗാനമാലപിച്ചിരിക്കുന്നത്. സല്‍മാന്‍ ഖാന്റെ സഹോദരീ ഭര്‍ത്താവ് ആയുഷ് ശര്‍മ്മയാണ് ചിത്രത്തിലെ നായകന്‍.
ബറോഡയില്‍ നിന്ന് ഗുജറാത്തിലെത്തുന്ന ഒരു ചെറുപ്പക്കാരന്‍ ഒരു എന്‍ആര്‍ഐ യുവതിയുമായി പ്രണയത്തിലാകുന്നതും തുടര്‍ന്നുണ്ടാകുന്ന സംഭവവികാസങ്ങളുമാണ് ലവ് രാത്രിയുടെ പ്രമേയം. സല്‍മാന്‍ ഖാന്‍ ഫിലിംസാണ് ഈ ചിത്രം നിര്‍മ്മിച്ചിരിക്കുന്നത്. നവരാത്രി ആഘോഷം നടക്കുന്ന ഒക്ടോബര്‍ അഞ്ചിന് തന്നെയാണ് ഈ ചിത്രം റിലീസ് ചെയ്യുന്നത്.
സല്‍മാന്റെ സഹോദരീഭര്‍ത്താവ് ആയുഷ് ശര്‍മ്മയാണ് ചിത്രത്തിലെ നായകന്‍. സല്‍മാന്‍ ഖാന്‍ ഫിലിംസിന്റെ അഞ്ചാമത്തെ ചിത്രം കൂടിയാണിത്. സുല്‍ത്താനില്‍ സഹസംവിധായകനായി പ്രവര്‍ത്തിച്ച അഭിരാജ് മിനവാലയാണ് ചിത്രത്തിന്റെ സംവിധായകന്‍. അതേസമയം ചിത്രത്തിനെതിരെ വിശ്വ ഹിന്ദു പരിഷത്ത രംഗത്തെത്തിയിരുന്നു. നവരാത്രിയെ അപമാനിക്കാനാണ് ഈ പേരില്‍ നവരാത്രി ദിനത്തില്‍ തന്നെ ചിത്രം റിലീസ് ചെയ്യുന്നതെന്നായിരുന്നു അവരുടെ വാദം.
