അങ്ങനെ കാത്തിരിപ്പുകള്‍ക്ക് ശേഷം ആടുജീവിതം തീയ്യേറ്ററില്‍ എത്തിയിരിക്കുകയാണ്. മികച്ച പ്രതികരണം ആണ് ചിത്രത്തിന് ലഭിക്കുന്നത്. ബ്ലെസി എന്ന സംവിധായകനും പൃഥ്വിരാജ് എന്ന നടനും ഒന്നിച്ചപ്പോള്‍ ചിത്രം മികച്ചത് ആവുകയായിരുന്നു.
മാര്‍ച്ച് 28ന് ആയിരുന്നു ആടുജീവിതം റിലീസ് ചെയ്തത്. റിലീസ് ദിനം മുതല്‍ മികച്ച പ്രശംസ നേടിയ ചിത്രം ബോക്‌സ് ഓഫീസും കസറി. ഒടുവില്‍ നാല് ദിവസം പൂര്‍ത്തി ആക്കുന്നതിന് മുന്‍പ് തന്നെ 50 കോടി ക്ലബ്ബിലും സിനിമ ഇടംപിടിച്ചു.
മലയാള സിനിമയില്‍ ഏറ്റവും വേഗത്തില്‍ 50 കോടി നേടുന്ന സിനിമയില്‍ ഒന്നാം സ്ഥാനത്തായി ചിത്രം. ഇപ്പോഴിതാ റിലീസ് ചെയ്ത് നാല് ദിവസം പിന്നിടുമ്പോള്‍ ആടുജീവിതം ആഗോളതലത്തില്‍ എത്ര നേടിയെന്ന കണക്കുകള്‍ പുറത്തുവരികയാണ്.
ഇതുവരെ 64.20 കോടിയാണ് ആകെ ആടുജീവിതം നേടിയിരിക്കുന്നത് എന്ന് ട്രേഡ് അനലിസ്റ്റുകള്‍ ട്വീറ്റ് ചെയ്യുന്നു. കേരളത്തില്‍ നിന്നും 23.2 കോടി നേടിയപ്പോള്‍ ഇന്ത്യയിലെ മറ്റിടങ്ങളില്‍ നിന്നും 11കോടിയാണ് ആടുജീവിതം നേടിയത്. ഇന്ത്യ മുഴുവനായി 34.2 കോടിയും ഓവര്‍സീസില്‍ നിന്നും 30കോടിയും ആടുജീവിതം സ്വന്തമാക്കിയിട്ടുണ്ട്. അങ്ങനെ ആകെ മൊത്തം 64.20 കോടി.
