മലയാള സിനിമയിലെ താരരാജാവ് മമ്മൂട്ടി ലണ്ടനില്‍ എത്തിയ വാര്‍ത്ത കഴിഞ്ഞ ദിവസം പുറത്തുവന്നിരുന്നു. പ്രമുഖ ബിസിനസ് മാനും ലുലു ഗ്രൂപ്പ് ചെയര്‍മാനുമായ യൂസഫലിക്കൊപ്പം കാര്‍ യാത്ര നടത്തിയ ചിത്രങ്ങളും വൈറലായിരുന്നു.
ഇപ്പോഴിതാ മമ്മൂട്ടിക്ക് പിന്നാലെ മലയാള സിനിമയിലെ സൂപ്പര്‍താരം മോഹന്‍ലാലിന്റെയും ലണ്ടനില്‍ നിന്നും യൂസഫിക്കൊപ്പമുള്ള വീഡിയോയും വൈറലായിക്കൊണ്ടിരിക്കുകയാണ്. വാള്‍ഡ് സിഡ്‌നി കമ്പനി ഇന്ത്യ പ്രസിഡന്റ് കെ മാധവനും ഇവര്‍ക്കൊപ്പം വീഡിയോയിലുണ്ട്.
നേരത്തെ വിംബിള്‍ഡന്‍ സെമിഫൈനല്‍ വീക്ഷിക്കുന്ന മോഹന്‍ലാലിന്റെ ചിത്രങ്ങള്‍ പുറത്തുവന്നിരുന്നു. ഇതും ആരാധകര്‍ ഇരുകൈയ്യും നീട്ടിയാണ് സ്വീകരിച്ചത്. വൃഷഭയാണ് മോഹന്‍ലാലിന്റെ വരാനിരിക്കുന്ന ചിത്രം.
പാന്‍ ഇന്ത്യന്‍ ചിത്രമായ വൃഷഭ പ്രേക്ഷകര്‍ക്ക് വലിയ പ്രതീക്ഷയാണ് നല്‍കുന്നത്. ചിത്രത്തില്‍ നടി സിമ്രാനും മോഹന്‍ലാലിനൊപ്പം പ്രധാന കഥാപാത്രമായി ഉണ്ടാവും. ചിത്രത്തിന്റെ ഷൂട്ടിംഗ് അധികം വൈകാതെ ആരംഭിക്കും.
നന്ദ കിഷോറാണ് ചിത്രം സംവിധാനം ചെയ്യുന്നത്. ആക്ഷനും ഇമോഷനുമൊക്കെ ചേര്‍ന്ന ഒരു ബഹുബാഷാ ചിത്രമായിരിക്കും വൃഷഭ. മലൈക്കൊട്ടൈ വാലിബനാണ് മോഹന്‍ലാലിന്റെ പ്രദര്‍ശനത്തിനൊരുങ്ങുന്ന ചിത്രം.
