മലയാള സിനിമയിലെ താരരാജാക്കന്മാരില്‍ ഒരാളാണ് മോഹന്‍ലാല്‍. ഇതിനോടകം ഒത്തിരി ചിത്രങ്ങളില്‍ നായകനായി എത്തിയ താരത്തിന് ഇന്ന് ലക്ഷക്കണക്കിന് ആരാധകരാണ് സൗത്ത് ഇന്ത്യ മുഴുവനായുമുള്ളത്.
മലയാളത്തില്‍ മാത്രമല്ല, അന്യ ഭാഷ ചിത്രങ്ങളിലെല്ലാം താരം അഭിനയിച്ചിട്ടുണ്ട്. മോഹന്‍ലാലിന്റെ ഏറ്റവും പുതിയ ചിത്രങ്ങളാണ് മലൈക്കോട്ടൈ വാലിബനും, വൃഷഭയും. അടുത്തിടെയായിരുന്നു മലൈക്കോട്ടൈ വാലിബന്റെ ചിത്രീകരണം അവസാനിച്ചത്.
Also Read: സുഹൃത്തുക്കള്‍ക്കൊപ്പം ജന്മദിനത്തില്‍ അടിച്ചുപൊളിച്ച് മാളവിക മോഹന്‍, വൈറലായി ചിത്രങ്ങള്‍
ലിജോ ജോസ് പെല്ലിശ്ശേരിയാണ് ചിത്രം സംവിധാനം ചെയ്യുന്നത്. വലിയ പ്രതീക്ഷയോടെയാണ് ഈ മോഹന്‍ലാല്‍ ലിജോജോസ് ചിത്രത്തിനായി ആരാധകര്‍ കാത്തിരിക്കുന്നത്. ഒരു വെസ്‌റ്റേണ്‍ ഫിലിമിന്റെ രീതിയിലാണ് ഈ ചിത്രം ഒരുക്കിയത്.
തന്റെ വര്‍ക്ക്ഔട്ട് ചിത്രങ്ങളും വീഡിയോകളുമെല്ലാം ലാലേട്ടന്‍ സോഷ്യല്‍മീഡിയയിലൂടെ ആരാധകരുമായി പങ്കുവെക്കാറുണ്ട്. അടുത്തിടെ താരം തന്റെ ജിം വീഡിയോകള്‍ പങ്കുവെച്ചിരുന്നു. നിമിഷ നേരം കൊണ്ടാണ് ഇത് വൈറലായത്.
ഇപ്പോഴിതാ മോഹന്‍ലാല്‍ കഴിഞ്ഞ ദിവസം സോഷ്യല്‍മീഡിയയില്‍ പങ്കുവെച്ച ഒരു ചിത്രമാണ് ആരാധകരുടെ ശ്രദ്ധയാകര്‍ഷിച്ചിരിക്കുന്നത്. ഒരു ബോക്‌സറുടെ ഗെറ്റപ്പിലുള്ള ചിത്രമായിരുന്നു ഇത്. ചിത്രത്തിന് അടിക്കുറിപ്പുകളൊന്നും താരം നല്‍കിയിട്ടില്ല. ചിത്രം കണ്ട് ഇത് വൃഷഭയിലുള്ളതാണോ അതോ മലൈക്കോട്ടൈ വാലിബനിലുള്ളതാണോ എന്ന സംശയത്തിലാണ് ആരാധകര്‍.
