ലിജോ ജോസ് പെല്ലിശ്ശേരി സംവിധാനം ചെയ്യുന്ന ചിത്രത്തിൽ നായകൻ മോഹൻലാൽ

മലയാളത്തിന്റെ താര ചക്രവർത്തി മോഹൻലാൽ ലിജോ ജോസ് പെല്ലിശ്ശേരി സംവിധാനം ചെയ്യുന്ന ചിത്രത്തിൽ നായകനാകുന്നു.

അടുത്തിടെ കൂടിക്കാഴ്ച നടത്തിയ ഇരുവരും അടുത്ത വർഷത്തേക്ക് ഒരു പടം പ്ലാൻ ചെയ്യുന്നതായാണ് സൂചന.

മുരളി ഗോപിയായിരിക്കും ഈ സിനിമയ്ക്ക് തിരക്കഥയെഴുതുന്നത്. മോഹൻലാലിൻറെ ബ്രഹ്മാണ്ഡ ഹിറ്റായ ലൂസിഫർ രചിച്ചതും മുരളി ഗോപി ആയിരുന്നു.

എന്നാൽ മോഹൻലാൽ നായകനാകുമെങ്കിലും ഇതൊരു ടിപ്പിക്കൽ ലിജോ ജോസ് പെല്ലിശ്ശേരി ചിത്രം തന്നെയായിരിക്കും.

ആമേൻ, അങ്കമാലി ഡയറീസ്, ഈമയൌ തുടങ്ങിയ ക്ലാസിക്കുകളുടെ സംവിധായകനാണ് ലിജോ ജോസ് പെല്ലിശ്ശേരി.