തെലുങ്കു സൂപ്പർ താരം അല്ലു അർജുന് വലിയൊരു ആരാധക വൃന്ദം തന്നെ കേരളത്തിലും ഉണ്ട്. തെലുങ്കിൽ നിന്നുള്ള താരങ്ങളിൽ കേരളത്തിൽ ഏറ്റവും കൂടുതൽ മാർക്കറ്റ് ഉള്ളതും അല്ലു അർജുന് ആണ്. പല തവണ കേരളത്തിൽ വന്നിട്ടുള്ള അദ്ദേഹം കേരളത്തെ തന്റെ രണ്ടാം വീട് എന്നാണ് വിശേഷിപ്പിക്കുന്നത്.
അദ്ദേഹം പല വേദികളിലും തുറന്ന് പറഞ്ഞിട്ടുണ്ട് താനൊരു കടുത്ത മോഹൻലാൽ ഫാൻ ആണെന്ന കാര്യം. എല്ലാ നടന്മാരുടെ ചിത്രങ്ങളും താൻ കാണുകയും അഭിനന്ദിക്കുകയും ചെയ്യാറുണ്ട് എങ്കിലും താൻ ആരുടെ ആരാധകൻ ആണെന്ന് ചോദിച്ചാൽ മോഹൻലാൽ ഫാൻ എന്ന് പറയാനാണ് ഇഷ്ടമെന്നും അദ്ദേഹം പറഞ്ഞിട്ടുണ്ട്. ഇപ്പോഴിതാ മോഹൻലാലിനോടുള്ള തന്റെ ഇഷ്ടം ഒരിക്കൽ കൂടി ആവർത്തിച്ചിരിക്കുകായണ് അല്ലു അർജുൻ. തന്റെ കരിയറിലെ ഏറ്റവും വലിയ ചിത്രമായ പുഷപയുടെ റിലീസിനോട് അനുബന്ധിച്ചു കേരളത്തിൽ എത്തിയ അല്ലു അർജുൻ പറയുന്ന വാക്കുകൾ ഇപ്പോൾ വൈറൽ ആവുകയാണ്.
മോഹൻലാൽ സാറിനെ ഇഷ്ട്ടപ്പെടാത്ത ഒരു നടനും സൗത്ത് ഇന്ത്യൻ സിനിമയിൽ തന്നെ കാണില്ല എന്നും അദ്ദേഹത്തെ പോലെയുള്ള വലിയ നടന്മാരുടെ ചിത്രങ്ങൾ കണ്ടാണ് താനൊക്കെ വളർന്നത് എന്നും അദ്ദേഹം പറയുന്നു. അതുകൊണ്ട് അദ്ദേഹത്തോടുള്ള ഇഷ്ടം എന്നും ഉണ്ടാകുമെന്നും അല്ലു അർജുൻ പറയുന്നു. മലയാള നടൻ ഫഹദ് ഫാസിൽ ആണ് പുഷ്പയിൽ വില്ലനായി അഭിനയിച്ചിരിക്കുന്നത്.
രണ്ടു ഭാഗങ്ങൾ ആയി ഒരുക്കുന്ന ഈ ചിത്രത്തിന്റെ ആദ്യ ഭാഗം ആണ് ഡിസംബർ പതിനേഴിന് അഞ്ചു ഭാഷകളിൽ ആയി റിലീസ് ചെയ്യുന്നത്. സുകുമാർ ഒരുക്കിയ ഈ ചിത്രത്തിൽ പുഷ്പ രാജ് എന്ന കഥാപാത്രമായി അല്ലു അർജുൻ എത്തുമ്പോൾ ഭൻവർ സിങ് ശെഖാവത് എന്ന ഐപിഎസ് ഓഫീസർ കഥാപാത്രമാണ് ഫഹദ് ഫാസിൽ അവതരിപ്പിയ്ക്കുന്നത്.
