മലയാളത്തിലെ എക്കാലത്തെയും മികച്ച നടന്മാരുടെ ലിസ്റ്റ് എടുത്താല്‍ അതില്‍ ഇപ്പോഴത്തെ തലമുറക്ക് ചേര്‍ത്ത് നിര്‍ത്താനുള്ള പേരായിരിക്കും സാക്ഷാല്‍ മോഹന്‍ലാല്‍. മലയാള സിനിമയിലെ താരരാജാവ് തന്നെയാണ് എക്കാലവും ലാലേട്ടന്‍.
ഇതിനോടകം നൂറുകണക്കിന് ചിത്രങ്ങളിലാണ് താരം അഭിനയിച്ചത്. നേര് എന്ന ചിത്രമാണ് മോഹന്‍ലാലിന്റെ തിയ്യേറ്ററിലെത്താനിരിക്കുന്ന ചിത്രം. ജീത്തുജോസഫ് ചിത്രം ലാലേട്ടന്റെ ശക്തമായ തിരിച്ചുവരവിന് കാരണമാകുമെന്നാണ് ആരാധകരൊന്നടങ്കം പ്രതീക്ഷിക്കുന്നത്.
ഇപ്പോഴിതാ തന്റെ അടുത്ത സുഹൃത്തും മലയാള സിനിമയിലെ താരരാജാവുമായ മമ്മൂട്ടിയെ കുറിച്ച് മോഹന്‍ലാല്‍ പറഞ്ഞ കാര്യങ്ങളാണ് ശ്രദ്ധനേടുന്നത്. 25 വര്‍ഷങ്ങള്‍ക്ക് മുമ്പ് മമ്മൂട്ടിയാണ് തന്റെ ഫാന്‍സ് അസോസിയേഷന്‍ ഉദ്ഘാടനം ചെയ്തതെന്ന് മോഹന്‍ലാല്‍ പറയുന്നു.
അദ്ദേഹത്തിന്റെ ഗുരുത്വമാണ് ഇപ്പോഴും അത് നല്ല രീതിയില്‍ മുന്നോട്ട് പോകാന്‍ കാരണമെന്നും തന്റെ അറിവും സമ്മതവും കൂടാതെയായിരുന്നു പല കൂട്ടായ്മകളും തുടങ്ങിയതെന്നും സ്‌നേഹിക്കാന്‍ എന്തിനാ ലാലേട്ടാ സമ്മതം എന്നായിരുന്നു അവര്‍ തന്നോട് ചോദിച്ചതെന്നും മോഹന്‍ലാല്‍ പറയുന്നു.
അവരോട് താന്‍ പറഞ്ഞ ഒരേയൊരു നിബന്ധന എന്നത് തന്റെ പേരില്‍ മത്സരങ്ങള്‍ പാടില്ല എന്നത് മാത്രമായിരുന്നു. 1998ലാണ് ആള്‍ കേരള മോഹന്‍ലാല്‍ ഫാന്‍സ് കള്‍ച്ചറല്‍ ആന്‍ഡ് വെല്‍ഫെയര്‍ അസോസിയേഷന്‍ ആരംഭിക്കുന്നതെന്നും അതായിരുന്നു പ്രിയപ്പെട്ട മമ്മൂട്ടിക്ക ഉദ്ഘാടനം ചെയ്തതെന്നും മോഹന്‍ലാല്‍ പറഞ്ഞു.
