ഫ്‌ലവേഴ്‌സ് ടോപ് സിംഗറിലൂടെ നിരവധി കുട്ടി പാട്ടുകാരെയാണ് നമ്മള്‍ കണ്ടത്. ഇതിലൂടെ ചില താരങ്ങള്‍ ശ്രദ്ധിക്കപ്പെടുകയും ചെയ്തിട്ടുണ്ട്. പറഞ്ഞുവരുന്നത് കൊച്ചു മിടുക്കി മേഘ്‌നാ സുമേഷിനെ കുറിച്ചാണ്. ഈ ഒറ്റ റിയാലിറ്റി ഷോയിലൂടെ തന്നെ പ്രേക്ഷക ഹൃദയത്തില്‍ സ്ഥാനം പിടിക്കാന്‍ മേഘ്‌നക്ക് സാധിച്ചു. താരത്തിന്റെ കൊച്ചു വര്‍ത്തമാനം എല്ലാം ആരാധകര്‍ക്ക് ഒത്തിരി ഇഷ്ടമാണ്. പ്രേക്ഷകര്‍ മാത്രമല്ല ജഡ്ജസും മേഘ്‌നയുടെ ഫാന്‍സ് ആണ്.
്പലപ്പോഴും ജഡ്ജസും മേഘ്‌നയും തമ്മില്‍ നടത്തിയ സംഭാഷണം സോഷ്യല്‍ മീഡിയയില്‍ വൈറലായിരുന്നു. ഇപ്പോള്‍ സ്റ്റേജ് ഷോ ഒക്കെയായി തിരക്കിലാണ് േേമഘ്‌ന. ഇപ്പോള്‍ ഇതാ തന്റെ ജീവിതത്തിലെ വലിയൊരു സന്തോഷം നടന്നതിന്റെ ത്രില്ലില്‍ ആണ് പുള്ളിക്കാരി. സംഭവം മറ്റൊന്നുമല്ല കഴിഞ്ഞ ദിവസമാണ് ദിലീപിനെയും കാവ്യ മാധവനെ മേഘ്‌ന നേരിട്ട് കണ്ടത്.
also read
കാണരുത് എന്ന് പറഞ്ഞത് കാണുക എന്നുള്ളതാണ് നമ്മുടെ സാംസ്‌കാരി പ്രവര്‍ത്തനം ; ഹരീഷ് പേരടി
മേഘ്‌ന നിരവധി വേദികളില്‍ ഇവരുടെ ഗാനങ്ങള്‍ ആലപിച്ചിട്ടുണ്ടെങ്കിലും നേരിട്ട് ഇതുവരെ കാണാന്‍ സാധിച്ചിരുന്നില്ല. തന്റെ ആ ആഗ്രഹം കഴിഞ്ഞ ദിവസമായിരുന്നു നടന്നത്. തീര്‍ത്തും അപ്രതീക്ഷിതമായാണ് ഈ താരങ്ങളുടെ മുന്നില്‍ മേഘ്‌ന എത്തിയത്. ആ സന്തോഷം സോഷ്യല്‍ മീഡിയ വഴി ആരാധകരെ അറിയിക്കുകയും ചെയ്തു ഈ കുട്ടി താരം. ഇവര്‍ക്ക് ഒപ്പം നിന്ന് ഒന്നിച്ച് ഫോട്ടോ എടുക്കുകയും ചെയ്തു.
എനിക്ക് അറിയില്ല എന്തെഴുതണമെന്ന്. ഞാന്‍ റിയാലിറ്റി ഷോകളിലും നിരവധി വേദികളിലും നിങ്ങളുടെ ഒരുപാട് പാട്ടുകള്‍ പാടിയിട്ടുണ്ട്. അതിനൊക്കെ എനിക്ക് അഭിനന്ദനങ്ങളും കിട്ടിയിരുന്നു. ഇന്ന് എനിക്ക് നിങ്ങളെ കാണാന്‍ കഴിഞ്ഞു, അത് വലിയ ഭാഗ്യമായി കരുതുന്നു. ഞാന്‍ ശരിക്കും ത്രില്ലിലാണ്.- ദിലീപിനേയും കാവ്യയേയും ടാഗ് ചെയ്തുകൊണ്ട് മേഘ്‌ന കുറിച്ചു.
