സംവിധായകന്‍ ജിത്തു ജോസഫ് അവതരിപ്പിക്കുന്ന വെബ്‌സീരീസില്‍ അഭിനയിക്കാന്‍ ഒരുങ്ങി നടി മീന. ജീത്തു ജോസഫിനറെ സീക്രട്ട് സ്റ്റോറീസ് സീരീസിലാണ് മീനയും പ്രധാനപ്പെട്ട വേഷമിടുന്നത്. ഡിസ്‌നി പ്ലസ് ഹോട്ട്സ്റ്റാറിലെ സീരീസിന്റെ സംവിധാനം സുമേഷ് നന്ദകുമാറാണ്. 
ജീത്തു ജോസഫിന്റെ മേല്‍നോട്ടത്തില്‍ ആന്തോളജി സീരീസ് എത്തുമ്പോള്‍ നടി മീനയ്‌ക്കൊപ്പം പ്രധാന വേഷത്തില്‍ സഞ്ജന ദിപുവും ഹക്കീം ഷാജഹാനുമുണ്ട്. വിനീതും ഒരു നിര്‍ണായക കഥാപാത്രത്തെ സീരീസില്‍ അവതരിപ്പിക്കുന്നു. ഛായാഗ്രാഹണം നിര്‍വഹിക്കുന്തന് എം ഉണ്ണികൃഷ്ണനാണ്. സംഗീതം വിഷ്ണു ശ്യാം നിര്‍വഹിക്കുമ്പോള്‍ തിരക്കഥ വിനായക് ശശികുമാറിന്റേതാണ്.
അതേസമയം ബാലതാരമായി സിനിമയിലെത്തി ഇന്നും അഭിനയം തുടരുന്ന മീന വീണ്ടും മലയാള സിനിമയിലേക്ക് തിരിച്ചെത്തിയിരിക്കുകയാണ്. ആനന്ദപുരം ഡയറീസ് എന്ന ചിത്രത്തിലൂടെയാണ് നടിയുടെ തിരിച്ചുവരവ്. കോളേജിലേക്ക് പഠിക്കാന്‍ എത്തുന്ന ഒരു സ്ത്രീയായിട്ടാണ് മീന ഇതില്‍ അഭിനയിക്കുന്നത്. നിരവധി താരനിര ചിത്രത്തില്‍ ഉണ്ട്.
