ലോഹിതദാസ് ആദ്യമായി തിരക്കഥ എഴുതിയ ചിത്രമാണ് തനിയാവര്‍ത്തനം. നായകന്‍ മമ്മൂട്ടി. സംവിധാനം സിബി മലയില്‍.
കുടുംബത്തിലെ പുരുഷന്മാര്‍ക്ക് പാരമ്ബര്യമായി ലഭിക്കുന്ന ഭ്രാന്തിന്റെ പലഭാവങ്ങളില്‍ പെട്ടുഴലു‌ന്ന ബാലന്‍മാഷ് എന്ന കഥാപാത്രത്തിന്റെ സങ്കീര്‍ണ്ണഭാവങ്ങളാണ് ചിത്രത്തിന്റെ പ്രമേയം. മമ്മൂട്ടി അതിനെ അനശ്വരവുമാക്കി.
മമ്മൂട്ടി നിറഞ്ഞും അറിഞ്ഞും അഭിനയിച്ച ചിത്രമായിരുന്നു തനിയാവര്‍ത്തനം. അന്ധവിശ്വാസങ്ങള്‍ എങ്ങനെ ഭാര്യയും രണ്ടു കുട്ടികളുമുള്ള ബാലന്‍ മാഷിനെ ഒരു ഭ്രാന്തനാക്കി മാറ്റുന്നു എന്ന് കണ്ണു നിറയാതെ കണ്ടിരിക്കാന്‍ ആകില്ല. അത്രമാത്രം നന്നായി ചിത്രീകരിച്ച സിനിമയായിരുന്നു അത്. ആദ്യ ദിവസം ചിത്രത്തെ കുറിച്ച് മികച്ച നിരൂപക പ്രശംസ ലഭിച്ചപ്പോള്‍ മമ്മൂട്ടിയ്ക്കും ചിത്രം കാണാനൊരു മോഹം.
ഒടുവില്‍ അയല്‍ക്കാരനായ കുഞ്ചനോടൊപ്പമാണ് മമ്മൂട്ടി തനിയാവര്‍ത്തനം കാണാന്‍ പോയത്. കുഞ്ചന്‍ പിന്നീടൊരിക്കല്‍ ഈ അനുഭവം പങ്കുവെയ്ക്കുകയുണ്ടായി. ചിത്രത്തിലെ അവസാന രംഗങ്ങള്‍ ചിത്രത്തിന്റെ അവസാനരംഗങ്ങള്‍ കണ്ടിട്ട് തിയേറ്ററിലിരുന്ന് കരയാത്തവരായി ആരുമില്ല. ആ രംഗങ്ങള്‍ കണ്ടപ്പോള്‍ എന്റെ കണ്ണും നിറഞ്ഞുവെന്ന് കുഞ്ചന്‍ പറയുന്നു.
ഇടയ്ക്ക് മമ്മൂട്ടിയെ നോക്കുമ്ബോള്‍ അദ്ദേഹം വായ പൊത്തി ഇരിക്കുന്നു. കണ്ണ് ചുവന്ന് കലങ്ങിയിട്ടുണ്ട്. ചിത്രത്തില്‍ നായകനായി അഭിനയിച്ച മമ്മൂട്ടി നിറഞ്ഞ കണ്ണുകളോടെ ഇരുന്ന് ആ സിനിമ കാണുന്നത് കണ്ടപ്പോള്‍ താന്‍ അത്ഭുതപ്പെട്ടെന്ന് കുഞ്ചന്‍ പറയുന്നു.
