ഖാലിദ് റഹ്മാൻ സംവിധാനം ചെയ്യുന്ന അടുത്ത ചിത്രത്തിൽ നായകൻ മമ്മൂട്ടി ആണ്. അനുരാഗ കരിക്കിൻ വെള്ളം എന്ന തന്റെ ആദ്യ ചിത്രത്തിലൂടെ പ്രേക്ഷകരുടെ പൾസ് അറിയാവുന്ന സംവിധായകനാണ് ഖാലിദ് റഹ്മാനെന്ന് എല്ലാവർക്കും വ്യക്തമായതാണ്.
ഖാലിദ്- മമ്മൂട്ടി കൂട്ടുകെട്ടിൽ ഒരുങ്ങുന്ന ചിത്രത്തിന് ഉണ്ടയെന്ന് പേര്. ചിത്രത്തിന്റെ ഫസ്റ്റ് ലുക്ക് പോസ്റ്റർ പുറത്തുവന്നിരിക്കുകയാണ്.
ചിത്രത്തിന്റെ ഫസ്റ്റ് ലുക്ക് പോസ്റ്റർ എത്തിയതോടെ ട്രോളർമാരും പണി തുടങ്ങി കഴിഞ്ഞു. 6 മാസത്തിനുള്ളില്‍ ഉണ്ടയുടെ ചിത്രീകരണം ആരംഭിച്ചില്ലെങ്കില്‍ മോഹന്‍ലാലിനെ വെച്ച് ബോണ്ടയുമായി താനെത്തുമെന്നാണ് പ്രിയദര്‍ശന്‍ പറയുന്നതെന്ന ട്രോളാ‍ണ് ഏറ്റവും ഹിറ്റായിരിക്കുന്നത്.
നേരത്തെ കുഞ്ഞാലി മരക്കാറില്‍ തുടങ്ങിയ തര്‍ക്കം ഇപ്പോള്‍ ഉണ്ടയിലേക്കെത്തിയോ? എന്നാണ് സോഷ്യൽ മീഡിയ ചോദിക്കുന്നത്.
ഉണ്ടയെന്ന് പേരില്‍ മാത്രമല്ല സിനിമയുടെ പിന്നിലും മറ്റൊരു പ്രത്യേകതയുണ്ട്. നന്‍പന്‍, തുപ്പാക്കി തുടങ്ങിയ സിനിമകള്‍ക്ക് ശേഷം ജെമിനി സ്റ്റുഡിയോസ് നിര്‍മ്മിക്കുന്ന ചിത്രമാണിത്.
ദങ്കലിനും പത്മാവതിനും ശേഷം ശാം കൗശല്‍ ആക്ഷന്‍ കോറിയോഗ്രാഫറായെത്തുകയാണ് ഉണ്ടയിലൂടെ.
