മെഗാസ്റ്റാര്‍ മമ്മൂട്ടിയുടെ ലുക്കിനെ കുറിച്ചുള്ള ചര്‍ച്ച ഇടയ്ക്കിടെ സോഷ്യല്‍ മീഡിയയില്‍ നടക്കാറുണ്ട്. അതുപോലെ മമ്മൂക്കയുടെ പുറത്തുവരുന്ന ഫോട്ടോസ് നിമിഷ നേരം കൊണ്ട് ശ്രദ്ധിക്കപ്പെടാറുണ്ട്. ഓരോ ഫോട്ടോ പങ്കുവയ്ക്കുമ്പോഴും മമ്മൂക്കയുടെ ലുക്കിനെ കുറിച്ചുള്ള ചര്‍ച്ചയും സോഷ്യല്‍ മീഡിയയില്‍ നടക്കാറുണ്ട്.
വെള്ള ടീഷര്‍ട്ടും, ബ്ലൂ ജീന്‍സും അണിഞ്ഞ് കൂളിംഗ് ഗ്ലാസ് ധരിച്ച് നില്‍ക്കുന്ന മമ്മൂട്ടിയുടെ ഫോട്ടോ സോഷ്യല്‍ മീഡിയയില്‍ തരംഗമാണ്. താരം തന്നെയാണ് ഈ ചിത്രം പോസ്റ്റ് ചെയ്തത്. റാമ്പ്‌ളര്‍ എന്ന അടിക്കുറിപ്പോടെയാണ് ചിത്രം പോസ്റ്റ് ചെയ്തത്. ഇതിന് പിന്നാലെ നിരവധി കമന്റ് വന്നു. ദുല്‍ഖറിന്റെ അടുത്ത സുഹൃത്തും ഫോട്ടോഗ്രാഫറുമായ ഷാനി ഷാകിയാണ് ഫോട്ടോഗ്രാഫര്‍. മലയാള സിനിമയിലെ നിരവധി താരങ്ങള്‍ ചിത്രത്തിന് താഴെ സ്‌നേഹം അറിയിച്ച് എത്തി.
പുള്ളീടെ വിചാരം പുള്ളി മമ്മൂട്ടി ആന്ന, ഇടയ്ക്ക് ഇടയ്ക്ക് വരുന്നു, ഒരു ഫോട്ടോ ഇട്ടു സോഷ്യല്‍ മീഡിയ കത്തിക്കുന്നു പോകുന്നു, റിപ്പീറ്റ്…, ഇങ്ങളിത് എന്ത് ഭാവിച്ചാണ്?’ തുടങ്ങിയ രസകരമായ കമന്റുകളാണ് ആരാധകരുടെ ഇടയില്‍ നിന്നും ചിത്രത്തിന് ലഭിക്കുന്നത്.
കഴിഞ്ഞ ദിവസം ‘ടര്‍ബോ’ ലുക്കില്‍ മമ്മൂട്ടി കൊച്ചിയില്‍ വോട്ട് ചെയ്യാനെത്തിയിരുന്നു. മുണ്ടും ഷര്‍ട്ടും കൂളിങ് ഗ്ലാസും ധരിച്ചായിരുന്നു മെഗാ സ്റ്റാറിന്റെ എന്‍ട്രി. മാധ്യമങ്ങളെ സ്വതസിദ്ധമായ ശൈലിയില്‍ അഭിവാദ്യം ചെയ്താണ് മമ്മൂട്ടി കടന്നുവന്നത്.
