മെഗാസ്റ്റാർ മമ്മൂട്ടി നായകനാകുന്ന പുതിയ ചിത്രം ഉണ്ടയുടെ ടീസർ ഇന്നലെ പുറത്തിറങ്ങി. സഹപ്രവർത്തകരെ തോക്ക് കൊണ്ട് വെടി വയ്ക്കാൻ പഠിപ്പിക്കുന്നതാണ് ടീസറിലുള്ളത് പുതിയ ചിത്രം ഉണ്ടയുടെ ടീസറിലാണ് ഈ രംഗങ്ങൾ. ടീസറെത്തി ഒരു മണിക്കൂറിന് മുൻപ് തന്നെ ലക്ഷങ്ങളാണ് ടീസർ കണ്ടത്.
പത്തു പോലീസുകാർ അടങ്ങുന്ന ടീമിനെ ഛത്തീസ്ഗഢിലെ നക്സൽ മേഖലയിലേക്ക് തെരഞ്ഞെടുപ്പ് ഡ്യൂട്ടിക്ക് അയയ്ക്കുന്നതാണ് ചിത്രത്തിന്റെ പ്രമേയം.
എന്നാൽ ഒപ്പമുള്ള പോലീസുകാരെ തോക്ക് കൊണ്ടു വെടി വയ്ക്കാൻ മമ്മൂട്ടി അവതരിപ്പിക്കുന്ന കഥാപാത്രം പരിശീലിപ്പിക്കുന്നതാണ് ടീസറിലെ പ്രധാന ആകർഷണം. ആകംക്ഷ നിറച്ച് ത്രില്ലടിപ്പിക്കുന്നതാണ് ടീസർ.
അനരാഗ കരിക്കിൻ വെള്ളത്തിനു ശേഷം ഖാലിദ് റഹ്മാൻ സംവിധാനം ചെയ്യുന്ന ചിത്രമാണ് ഉണ്ട. ഹർഷാദും ഖാലിദ് റഹ്മാനും ചേർന്നാണ് തിരക്കഥ ഒരുക്കുന്നത്.
മമ്മൂട്ടിയെയും ഷൈനിനെയും കൂടാതെ ടോം ചാക്കോ, ജേക്കബ് ഗ്രിഗറി, അർജുൻ അശോകൻ, ദിലീഷ് പോത്തൻ, കലാഭവൻ ഷാജോൺ തുടങ്ങിയവരും ചിത്രത്തിൽ അണിനിരക്കുന്നു. സംവിധായകൻ രഞ്ജിത്തും ചിത്രത്തിൽ അഭിനയിക്കുന്നുണ്ട്. ആസിഫ് അലി, വിനയ് ഫോർട്ട്, സുധി കോപ്പ എന്നിവർ അതിഥി താരങ്ങളായെത്തും.
സജിത്ത് പുരുഷൻ ഛായാഗ്രഹണം നിർവഹിക്കുന്നു. സംഗീതം പ്രശാന്ത് പിള്ള. മൂവി മിൽ, ജെമിനി സ്റ്റുഡിയോസ് എന്നിവയുടെ ബാനറിൽ കൃഷ്ണൻ സേതുകുമാറാണ് ചിത്രം നിർമ്മിക്കുന്നത്. ഈദ് റിലീസ് ആയി ചിത്രം തീയേറ്ററുകളിലെത്തും.
