മലയാളത്തിന്റെ വെള്ളിത്തിരയില്‍ മറ്റൊരു താര പോരാട്ടത്തിന് കൂടി കളമൊരുങ്ങുന്നു.മലയാള സിനിമയുടെ ഏറ്റവും വലിയ സീസണുകളിലൊന്നായ വിഷുക്കാലത്ത് സൂപ്പര്‍ മെഗാ താരങ്ങളായ മമ്മൂട്ടിയുടെയും മോഹന്‍ലാലിന്റെയും ഉള്‍പ്പെടെ നാല് ചിത്രങ്ങള്‍ തിയേറ്ററുകളിലെത്തുമെന്നുറപ്പായിക്ക ഴിഞ്ഞു.
മോഹന്‍ലാലിന്റെ ലൂസിഫറാണ് വിഷു ചിത്രങ്ങളില്‍ ആദ്യമെത്തുന്നത്. പൃഥ്വിരാജ് സംവിധായകക്കുപ്പായമണിയുന്ന ലൂസിഫര്‍ രാഷ്ട്രീയ പശ്ചാത്തലത്തിലുള്ള ഒരു ഫാമിലി ത്രില്ലറാണെന്നാണ്സൂചന.ആശീര്‍വാദ് സിനിമാസിന്റെ ബാനറില്‍ ആന്റണി പെരുമ്ബാവൂര്‍ നിര്‍മ്മിക്കുന്ന ലൂസിഫറിന്റെ രചന നിര്‍വഹിക്കുന്നത് മുരളി ഗോപിയാണ്.
മോഹന്‍ലാല്‍ സ്റ്റീഫന്‍ നെടുമ്ബള്ളി എന്ന കഥാപാത്രത്തെ അവതരിപ്പിക്കുന്ന ലൂസിഫറില്‍ ബോളിവുഡ് താരം വിവേക് ഒബ‌്‌റോയി, ടൊവിനോ തോമസ്, കലാഭവന്‍ ഷാജോണ്‍, ഇന്ദ്രജിത്ത്, ആദില്‍ ഇബ്രാഹിം തുടങ്ങിയ ഒരു വന്‍ താരനിര തന്നെ ലൂസിഫറില്‍ അണിനിരക്കുന്നുണ്ട്. മഞ്ജുവാര്യരാണ് നായിക. െെനല ഉഷയും സാനിയ ഇയ്യപ്പനും, ഷോണ്‍ റോമിയയും മറ്റ് പ്രധാന സ്ത്രീ കഥാപാത്രങ്ങളെ അവതരിപ്പിക്കുന്നു. സുജിത്ത് വാസുദേവാണ് ഛായാഗ്രഹണം നിര്‍വഹിക്കുന്നത്.
മാര്‍ച്ച്‌ 28ന് മാക്സ് റിലീസ് ലൂസിഫര്‍ പ്രദര്‍ശനത്തിനെത്തിക്കും. നാദിര്‍ഷാ സംവിധാനം ചെയ്യുന്ന മേരാ നാം ഷാജി ഏപ്രില്‍ 5ന് തിയേറ്ററുകളിലെത്തും.ബിജുമേനോനും, ആസിഫ്‌അലിയും ബൈജു സന്തോഷും നായകന്മാരാകുന്ന മേരാ നാം ഷാജിയില്‍ നിഖിലാ വിമലാണ് നായിക.
ദിലീപ് പൊന്നന്‍ രചന നിര്‍വഹിക്കുന്ന മേരാ നാം ഷാജിയില്‍ ശ്രീനിവാസന്‍, ധര്‍മ്മജന്‍, കെ. ബി. ഗണേഷ്‌കുമാര്‍ എന്നിവരാണ് മറ്റ് പ്രധാന വേഷങ്ങള്‍ അവതരിപ്പിക്കുന്നത്. സൗബിന്‍ ഷാഹിറും ഹരിഷ് കണാരനും ചിത്രത്തില്‍ അതിഥി താരങ്ങളായി പ്രത്യക്ഷപ്പെടുന്നുണ്ട്.യൂണിവേഴ്സല്‍ സിനിമയുടെ ബാനറില്‍ ബി. രാകേഷ് നിര്‍മ്മിക്കുന്ന മേരാ നാം ഷാജി ഉര്‍വശി തിയേറ്റേഴ്സാണ് തിയേറ്ററുകളിലെത്തിക്കുന്നത്.
വിഷു റിലീസായി നിശ്ചയിച്ചിരുന്ന ദുല്‍ഖര്‍ ചിത്രം ഒരു യമണ്ടന്‍ പ്രേമകഥ വൈകിയേക്കുമെന്നാണ്സൂചന. ചിത്രത്തിന്റെ റിലീസ് ഡേറ്റ് തീരുമാനിച്ചിട്ടില്ലെന്നും രണ്ട് ദിവസത്തിനകം റിലീസ് ഡേറ്റ് ഫിക്സ് ചെയ്യുമെന്നും നിര്‍മ്മാതാവ് ആന്റോ ജോസഫ് അറിയിച്ചു.
വിഷ്ണു ഉണ്ണിക്കൃഷ്ണനും ബിബിന്‍ ജോര്‍ജും ചേര്‍ന്ന് രചന നിര്‍വഹിക്കുന്ന ഒരു യമണ്ടന്‍ പ്രേമകഥ സംവിധാനം ചെയ്യുന്നത് നവാഗതനായ ബി.സി. നൗഫലാണ്. പി. സുകുമാറാണ് ഛായാഗ്രാഹകന്‍.നിഖില വിമലും സംയുക്താമേനോനുമാണ് ചിത്രത്തിലെ നായികമാര്‍. സലിംകുമാര്‍, സൗബിന്‍ ഷാഹിര്‍, ധര്‍മ്മജന്‍ ബോള്‍ഗാട്ടി എന്നിവരാണ് ചിത്രത്തിലെ മറ്റ് പ്രധാന താരങ്ങള്‍.
മമ്മൂട്ടിച്ചിത്രം മധുരരാജ ഏപ്രില്‍ 12ന് തിയേറ്ററുകളിലെത്തും. മെഗാഹിറ്റായ പോക്കിരി രാജയിലെ രാജ എന്ന കഥാപാത്രത്തിന്റെ തുടര്‍ച്ചയാണ് വൈശാഖും ഉദയകൃഷ്ണയും കൂടി ഈ ചിത്രത്തില്‍ പുനരവതരിപ്പിക്കുന്നത്.
മഹിമാ നമ്ബ്യാരും അനുശ്രീയും, ഷംനാ കാസിമും നായികമാരാകുന്ന ചിത്രത്തില്‍ സണ്ണി ലിയോണ്‍ ഒരു ഐറ്റം നമ്ബര്‍ അവതരിപ്പിക്കുന്നുണ്ട്.
ജഗപതിബാബു, ജയ്, സലിംകുമാര്‍, ബിജുക്കുട്ടന്‍, നോബി എന്നിവരാണ് മറ്റ് പ്രധാന താരങ്ങള്‍.പീറ്റര്‍ ഹെയ്‌നാണ് ചിത്രത്തിലെ ആക‌്‌ഷന്‍ രംഗങ്ങള്‍ ഒരുക്കുന്നത്. സംഗീതം: ഗോപിസുന്ദര്‍, ഛായാഗ്രഹണം: ഷാജികുമാര്‍.
നെല്‍സണ്‍ ഐപ്പ് സിനിമാസിന്റെ ബാനറില്‍ നെല്‍സണ്‍ ഐപ്പ് നിര്‍മ്മിക്കുന്ന മധുരരാജ തിയേറ്ററുകളിലെത്തിക്കുന്നത് യു.കെ. സ്റ്റുഡിയോസാണ്.
ഫഹദ് ഫാസിലും സായിപല്ലവിയും ഒന്നിക്കുന്ന അതിരനാണ് മറ്റൊരു വിഷു റിലീസ്. പ്രമുഖ ബാനറായ സെഞ്ച്വറി ഫിലിംസ് ഏറെക്കാലത്തിനുശേഷം നിര്‍മ്മാണ വിതരണ രംഗത്തേക്ക് മടങ്ങിയെത്തുന്ന അതിരന്‍ കഥയെഴുതി സംവിധാനം ചെയ്യുന്നത് നവാഗതനായ വിവേകാണ്. പി.എഫ്. മാത്യൂസാണ്‌അതിരന്റെ തിരക്കഥയും സംഭാഷണവുമെഴുതുന്നത്. അനു മൂത്തേടത്താണ് ഛായാഗ്രഹണം നിര്‍വഹിക്കുന്നത്. സംഗീതം: പി.എസ്. ജയഹരി.സെഞ്ച്വറി ഇന്‍വെസ്റ്റ്സ്‌മെന്റ്‌സിന്റെ ബാനറില്‍ നിര്‍മ്മിക്കുന്ന ചിത്രം സെഞ്ച്വറി ഫിലിംസ് ഏപ്രില്‍ 14 വിഷുദിനത്തില്‍പ്രദര്‍ശനശാലകളിലെത്തിക്കും.
