മെഗാസ്റ്റാർ മമ്മൂട്ടിയുടെ മാമാങ്കം ഇന്ത്യയിലെ ഏറ്റവും വലിയ സിനിമയാകാൻ തയ്യാറെടുക്കുന്നു. എം പദ്മകുമാർ സംവിധാനം ചെയ്യുന്ന ചിത്രത്തിനായി 18 ഏക്കറിൽ പടുകൂറ്റൻ സെറ്റ് നിർമ്മിച്ചിരിക്കുന്നു.
ഇന്ത്യൻ സിനിമയിൽ ഇത്രയും വലിയ സെറ്റ് ആദ്യമായാണ്. മമ്മൂട്ടി ഉൾപ്പെടുന്ന യുദ്ധരംഗങ്ങളും അതിമനോഹരമായ ഗാനരംഗങ്ങളും ഈ സെറ്റിൻറെ ഭാഗമാകും.
ശ്യാം കൌശലാണ് മമ്മൂട്ടിയുടെ വാൾപ്പയറ്റ് രംഗങ്ങളും സ്റ്റണ്ട് രംഗങ്ങളും ചിട്ടപ്പെടുത്തുന്നത്. വമ്പൻ ബജറ്റിലൊരുങ്ങുന്ന സിനിമ ഓണത്തിന് റിലീസ് ചെയ്യാനാണ് പദ്ധതി.
മമ്മൂട്ടിയുടെ കരിയറിലെ തന്നെ ഏറ്റവും വലിയ സിനിമയാണ് മാമാങ്കം. സാമൂതിരി കാലഘട്ടത്തിലെ കേരളത്തെ പുനർനിർമ്മിക്കുന്ന സിനിമ രക്തരൂഷിതമായ ചാവേർ അധ്യായത്തിലൂടെയാണ് കടന്നുപോകുന്നത്.
കനിഹയും അനു സിത്താരയുമാണ് ചിത്രത്തിലെ നായികമാർ. ഉണ്ണി മുകുന്ദൻ ചന്ത്രോത്ത് പണിക്കർ എന്ന കഥാപാത്രത്തെ അവതരിപ്പിക്കുന്നു. സിദ്ദിഖിനും മികച്ച വേഷമാണ് ചിത്രത്തിലുള്ളത്
