അങ്ങനെ ഒരു ഓണക്കാലം കൂടി കടന്നു പോയിരിക്കുകയാണ്. ഇത്തവണയും അടിപൊളിയായിട്ട് തന്നെയാണ് മലയാളികള്‍ ഓണം ആഘോഷിച്ചത്. സിനിമാതാരങ്ങളും തങ്ങളുടെ ഓണാഘോഷത്തിന്റെ ചിത്രങ്ങള്‍ സോഷ്യല്‍ മീഡിയ വഴി പങ്കുവെച്ചു. ഇതില്‍ ഏറെ ശ്രദ്ധിക്കപ്പെട്ട ഒന്നായിരുന്നു മല്ലിക സുകുമാരന്റെയും കുടുംബത്തിന്റെയും ഓണാഘോഷം. മക്കള്‍ക്കും കൊച്ചുമക്കള്‍ക്കും ഒപ്പമായിരുന്നു മല്ലിക സുകുമാരന്‍ ഓണം ആഘോഷിച്ചത്.
Also readഇത്തവണത്തെ ഓണം ഗംഭീരമായി ആഘോഷിച്ച്; കാവ്യ മാധവന്റെ കുടുംബത്തിന്റെ ഓണ ചിത്രം കാണാം
ചിത്രത്തില്‍ പൃഥ്വിരാജ് , സുപ്രിയ, മകള്‍ അലങ്കൃത, ഇന്ദ്രജിത്ത് ,പൂര്‍ണിമ ,മക്കള്‍ പ്രാര്‍ത്ഥന ,നക്ഷത്ര എന്നിവരും ഉണ്ടായിരുന്നു. കേരളീയ വസ്ത്രം ധരിച്ചു കൊണ്ടായിരുന്നു എല്ലാരും ചിത്രത്തില്‍ എത്തിയത്.
ഇതില്‍ അലങ്കൃതയെയാണ് ആരാധകര്‍ ശ്രദ്ധിച്ചത്. കാരണം വല്ലപ്പോഴും മാത്രമേ അല്ലിയുടെ ഫോട്ടോ സോഷ്യല്‍ മീഡിയയില്‍ എത്താറുള്ളൂ. മകളുടെ സ്വകാര്യതയെ മാനിച്ചു കൊണ്ടാണ് അങ്ങനെ ചെയ്യുന്നത് എന്ന് നേരത്തെ മാതാപിതാക്കള്‍ വ്യക്തമാക്കി.
അതേസമയം പച്ച ബ്ലൗസും ചുവന്ന പട്ടു പാവാടയും അണിഞ്ഞ് ഒരു നാടന്‍ പെണ്‍കുട്ടിയായാണ് അലങ്കൃത എത്തിയിരിക്കുന്നത്. ആളങ്ങ് വലുതായി പോയല്ലോ എന്നാണ് ഫോട്ടോ കണ്ട് ആരാധകര്‍ കമന്റ് ചെയ്തത്. ഈ കുടുംബത്തിലെ എല്ലാവരും സിനിമയുടെ പല മേഖലകളില്‍ പ്രവര്‍ത്തിക്കുന്നവരാണ്. അതുകൊണ്ടുതന്നെ താരങ്ങളുടെ പുറത്തുവരുന്ന ഫോട്ടോസിന് എല്ലാം മികച്ച പ്രതികരണം ആണ് ലഭിക്കാറ്.
