കാത്തിരുന്ന നിമിഷം എത്തി, വിനീത് ശ്രീനിവാസന്റെ പുതിയ ചിത്രത്തിൽ നായികയായി മാളവിക ജയറാം സിനിമയിലേയ്ക്ക്

ഏറെ ആരാധകരുള്ള താര കുടുംബമാണ് നടൻ ജയറാമിന്റേത്. ജയറാമിന്റെയും പാർവ്വതിയുടേയും പാത പിന്തുടർന്ന് മകൻ കാളിദാസ് ജയറാം അഭിനയ രംഗത്തേക്കെത്തി. താരമിപ്പോൾ തമിഴ്, മലയാളം സിനിമകളിലെ സജീവ സാന്നിധ്യമാണ്. വീട്ടിലെ ഇളമുറക്കാരി മാളവികയുടെ സിനിമാ പ്രവേശനത്തിനായി ഏറെ നാളായി ആരാധകർ കാത്തിരിപ്പിലാണ്.

ALSO READ

ഒരു സീരിയസ് റിലേഷൻ ഉണ്ടായിരുന്നു, വീട്ടുകാർക്ക് എല്ലാം അറിയാവുന്ന നല്ല ആളായിരുന്നു ; പ്രണയത്തെ കുറിച്ചും ബ്രെയ്ക്കപ്പിനെ കുറിച്ചും ഇപ്പോഴും അവിവാഹിതയായി തുടരുന്നതിന്റെ കാരണത്തെ കുറിച്ചും മനസ്സ് തുറന്ന് സുബി സുരേഷ്

ഇപ്പോഴിതാ, പ്രേക്ഷകരെ ആവേശത്തിലാഴ്ത്തി ആ വാർത്ത എത്തിയിരിക്കുകയാണ്. മാളവിക ജയറാമിന്റെ സിനിമാ അരങ്ങേറ്റം ഉടൻ തന്നെ ഉണ്ടാകുമെന്നാണ് റിപ്പോർട്ട്. വിനീത് ശ്രീനിവാസൻ സംവിധാനം ചെയ്യുന്ന പുതിയ ചിത്രത്തിൽ നായികയായിട്ടായിരിക്കും മാളവിക എത്തുക എന്നാണ് വിവരം. അതേസമയം, ഇക്കാര്യത്തിൽ ഔദ്യോഗിക സ്ഥിരീകരണം എത്തിയിട്ടില്ല.

മാളവിക ആദ്യമായി അഭിനയിച്ച മ്യൂസിക് വീഡിയോ കഴിഞ്ഞ ദിവസമാണ് റിലീസ് ചെയ്തത്. ‘ മായം സെയ്തായ് പൂവെ’ എന്ന ആൽബത്തിലൂടെയാണ് മാളവിക അഭിനയത്തിൽ അരങ്ങേറ്റം കുറിച്ചത്. അശോക് സെൽവന്റെ നായികയായെത്തിയ മാളവികയുടെ അഭിനയം ആരാധകർ ഏറ്റെടുത്തിരുന്നു. അമിത് കൃഷ്ണനാണ് സംഗീത വീഡിയോ സംവിധാനം ചെയ്തിരിക്കുന്നത്.

ALSO READ

റിമ കല്ലിങ്കലിനെ ഭർത്താവ് ആഷിഖ് സംരക്ഷിക്കട്ടെ എന്നാണ് ചിലരുടെ നിലപാട് ; കളിയാക്കാനാണ് ഫെമിനിച്ചി എന്ന് വിളിക്കുന്നതെങ്കിലും അത് കേൾക്കുമ്പോഴെല്ലാം ഞങ്ങൾ പുളകം കൊള്ളുകയാണ് : റിമ കല്ലിങ്കൽ

ജയറാമും മാളവികയും ഒന്നിച്ചെത്തിയ പരസ്യ ചിത്രവും നേരത്തെ വൈറലായിരുന്നു. കൂടാതെ, മകൾ ഉടൻ തന്നെ സിനിമയിലേക്കെത്തുമെന്ന സൂചന ജയറാം പല അഭിമുഖങ്ങളിലും പങ്കുവച്ചിരുന്നു.

അനൂപ് സത്യൻ സംവിധാനം ചെയ്ത ‘ വരനെ ആവശ്യമുണ്ട്’ എന്ന ചിത്രത്തിലെ നായികാവേഷത്തിലേക്ക് ആദ്യം പരിഗണിച്ചിരുന്നത് മാളവികയെ ആയിരുന്നു എന്നും ജയറാം പറഞ്ഞിരുന്നു. പക്ഷേ ഞാനൊരു നായികയാവാനുള്ള സമയമായില്ലെന്ന് പറഞ്ഞ് മാളവിക ആ അവസരം വേണ്ടെന്ന് വയ്ക്കുകയായിരുന്നു എന്നും ജയറാം പറഞ്ഞിരുന്നു.