മലയാള സിനിമയിലെ താരരാജാവാണ് മോഹന്‍ലാല്‍. ഇതിനോടകം നിരവധി സിനിമകളില്‍ നായകനായി എത്തിയ താരം മിക്ക സിനിമകളും വമ്പന്‍ ഹിറ്റാക്കിയിരുന്നു. എന്നാല്‍ അടുത്തിടെ പുറത്തിറങ്ങിയ താരത്തിന്റെ പല ചിത്രങ്ങളും ആരാധകരെ ആശങ്കയിലാഴ്ത്തിയിരുന്നു.
എന്നാല്‍ നേരിലൂടെ വമ്പന്‍ തിരിച്ചുവരവ് നടത്തിയിരിക്കുകയാണ് മോഹന്‍ലാല്‍. ആഗോള തലത്തില്‍ വമ്പന്‍ റിലീസുമായിട്ടാണ് ഇനി മോഹന്‍ലാലിന്റെ വരവ്. മലൈക്കോട്ടൈ വാലിബനാണ് തിയ്യേറ്ററിലെത്താനിരിക്കുന്ന മോഹന്‍ലാല്‍ ചിത്രം.
Also Read:പ്രണയം പൂവണിയുന്നു, വിവാഹിതയാവാന്‍ ഒരുങ്ങി സ്വാസിക, വരന്‍ പ്രമുഖ സീരിയല്‍ താരം
ലിജോ ജോസ് പെല്ലിശ്ശേരി മോഹന്‍ലാല്‍ കൂട്ടുകെട്ടിലൊരുങ്ങുന്ന ചിത്രം പ്രേക്ഷകര്‍ക്ക് വലിയ പ്രതീക്ഷകളാണ് നല്‍കുന്നത്. ചിത്രം യൂറോപ്പില്‍ 35ല്‍ പരം രാജ്യങ്ങളില്‍ എത്തുമെന്ന് നേരത്തെ റിപ്പോര്‍ട്ടുകളുണ്ടായിരുന്നു. ഇപ്പോഴിതാ യുഎസ് റിലീസുമായി ബന്ധപ്പെട്ട വിവരങ്ങളാണ് പുറത്തുവരുന്നത്.
യുഎസില്‍ 39 സംസ്ഥാനങ്ങളിലെ 146 നഗരങ്ങളില്‍ വാലിബന്‍ റിലീസ് ചെയ്യുമെന്ന് ഇന്ത്യന്‍ സിനിമകളുടെ നോര്‍ക്ക് അമേരിക്കന്‍ വിതരണക്കാരായ പ്രൈം മീഡിയ അറിയിച്ചു. അലബാമ,ഫ്‌ലോറിഡ, കാലിഫോര്‍ണിയ , ജോര്‍ജിയ തുടങ്ങിയ സംസ്ഥാനങ്ങളിലെല്ലാം ചിത്രത്തിന് നിലവില്‍ റിലീസ് തീരുമാനിച്ചിട്ടുണ്ട്.
അതേസമയം, പ്രേക്ഷകരുടെ ആവശ്യം കൂടി വരുന്ന പക്ഷം കൂടുതല്‍ നഗരങ്ങളിലേക്ക് മലൈക്കോട്ടൈ വാലിബന്‍ പ്രദര്‍ശനത്തിനെത്തിക്കുമെന്ന് പ്രൈം മീഡിയ അറിയിച്ചിട്ടുണ്ട്. ജനുവരി 25നാണ് ചിത്രം റിലീസ് ചെയ്യുന്നത്.
