സൂപ്പര്‍ഹിറ്റ് സംവിധായകന്‍ വൈശാഖ് ഒരുക്കുന്ന മധുരരാജയുടെ തെലുങ്ക് റീമേക്കില്‍ ചിരഞ്ജീവി നായകനാകുമെന്ന് റിപ്പോര്‍ട്ട്.
ദുബായില്‍ വച്ച് മധുരരാജയുടെ ഗ്ലോബല്‍ ലോഞ്ചിനിടെ തെലുങ്കു പ്രൊഡ്യൂസര്‍ എന്‍വി പ്രസാദ് സിനിമയുടെ കഥ കേട്ട് മധുരരാജാ തെലുങ്കില്‍ നിര്‍മ്മിക്കാന്‍ ആഗ്രഹമുണ്ടെന്ന് അറിയിക്കുകയായിരുന്നു.
എട്ട് വര്‍ഷങ്ങള്‍ക്ക് ശേഷം മമ്മൂട്ടിയും സംവിധായകന്‍ വൈശാഖും ഒന്നിക്കുന്ന ചിത്രമാണ് മധുരരാജ. മമ്മൂട്ടിയുടെ കരിയറിലെ ഏറ്റവും ചിലവേറിയ ചിത്രം കൂടിയാണ് മധുരരാജ.
പോക്കിരിരാജ എന്ന ബ്ലോക്ക് ബസ്റ്റര്‍ ചിത്രത്തിന്റെ രണ്ടാം ഭാഗമാണ് മധുരരാജ. പോക്കിരിരാജയില്‍ മമ്മൂട്ടിക്ക് ഒപ്പം പൃതിരാജും പ്രധാനവേഷത്തില്‍ എത്തിയിരുന്നു.
വൈശാഖ്, ഉദയ് കൃഷ്ണ, പീറ്റര്‍ ഹെയ്ന്‍ എന്നിവര്‍ വീണ്ടുമൊരുമിക്കുകയാണ് എന്ന പ്രത്യേകതയും ചിത്രത്തിനുണ്ട്. ചിത്രത്തിന്റെ ട്രെയിലര്‍ ഇന്നലെ പുറത്തുവന്നു.
നിമിഷനേരം കൊണ്ടാണ് ട്രെയിലര്‍ ഹിറ്റായത്. തമിഴ് നടന്‍ ജയ് ഒരു മുഴുനീള കഥാപാത്രം കൈകാര്യം ചെയ്യുന്നതിനോടൊപ്പം ജഗപതി ബാബു വില്ലന്‍ വേഷത്തില്‍ ചിത്രത്തിലെത്തുന്നു.
സണ്ണീലിയോണിന്റെ ഒരു ഐറ്റം നമ്പറും ചിത്രത്തില്‍ ഉണ്ട്. ആരാധകരെ രസിപ്പിക്കുന്ന ഗാനരംഗം ആയിരിക്കും ഇത് എന്നതിന്റെ സൂചന ട്രയിര്‍ നല്‍കുന്നുണ്ട്.
