മോഹന്‍ലാലിനെ നായകനാക്കി പൃഥ്വിരാജ് ഒരുക്കുന്ന പുതിയ ചിത്രമാണ് ലൂസിഫര്‍. ചിത്രത്തിലെ പുതിയ വീഡിയോ സോങ് പുറത്തുവിട്ടു. ചിത്രത്തിലെ കിടിലന്‍ ഐറ്റം സോങ്ങാണ് പുറത്തിറങ്ങിയത്.
സ്റ്റീഫന്‍ നെടുംപള്ളി എന്ന രാഷ്ട്രീയപ്രവര്‍ത്തകനെയാണ് ലൂസിഫറില്‍ മോഹന്‍ലാല്‍ അവതരിപ്പിക്കുന്നത്. വലിയ മുതല്‍മുടക്കില്‍ ഒരുങ്ങുന്ന ചിത്രത്തിന്റെ തിരക്കഥ മുരളി ഗോപിയാണ്.
ബോളിവുഡ് താരം വിവേക് ഒബ്‌റോയി ആണ് വില്ലന്‍. ഇന്ദ്രജിത്ത്, ടൊവിനോ, ഫാസില്‍, മംമ്ത, ജോണ്‍ വിജയ് എന്നിവരാണ് മറ്റുതാരങ്ങള്‍. ചിത്രത്തിന്റെ ഛായാഗ്രഹണം സുജിത്ത് വാസുദേവ്. സംഗീതം ദീപക് ദേവ്.
അതേ സമയം മാര്‍ച്ച് 28 നു പുറത്തിറങ്ങിയ ചിത്രം മലയാളത്തിലെ പല റെക്കോര്‍ഡുകളും തകര്‍ത്തിരുന്നു. ബോക്‌സ് ഓഫീസ് റെക്കോര്‍ഡ് തകര്‍ത്തു വിജയകരമായി മുന്നേറുകയാണ് ചിത്രം.
പൃഥ്വിരാജിന്റെ ബ്രില്യന്‍സില്‍ അവതരിച്ച ലൂസിഫര്‍ മോഹന്‍ലാല്‍ ആരാധകരെയും മലയാള സിനിമാപ്രേമികളെയും കൈയിലെടുത്തിരിക്കുകയാണ്.
മലയാളത്തിലെ ആദ്യ 200 കോടി ചിത്രമാകുമോ ലൂസിഫര്‍ എന്ന് ഉറ്റുനോക്കുകയാണ് മലയാളക്കര.
