മലയാളി പ്രേക്ഷകരുടെ പ്രിയം ചെറുതും വലുതുമായ ഒട്ടേറെ വേഷങ്ങളിലൂടെ പിടിച്ചു പറ്റിയ നടിയാണ് ലെന. ജയരാജിന്റെ സ്‌നേഹം എന്ന സിനിമയിലൂടെ വെള്ളിത്തിരയിലെത്തിയ ലെന നായികയായി തിളങ്ങിയപ്പോള്‍ തന്നെ കരുത്തുറ്റ സഹ നടി കഥാപാത്രങ്ങളെയും സ്വീകരിക്കാന്‍ മടിച്ചിരുന്നില്ല.
ലെന വേഷമിട്ട കഥാപാത്രങ്ങളെല്ലാം തന്നെ പ്രേക്ഷകര്‍ ഏറ്റെടുത്തതുമാണ്. സിനിമയില്‍ മാത്രമല്ല പുറത്തും വലിയ മേയ്ക്ക് ഓവര്‍ നടത്താറുണ്ട്, ലെന. ലെനയുടെ പുതിയ ഫോട്ടോഷൂട്ടും ചിത്രങ്ങളും വീഡിയോയുമാണ് ഇപ്പോള്‍ വൈറലാകുന്നത്.
ജയരാജിന്റെ സിനിമയായ സ്‌നേഹത്തിലൂടെയാണ് ലെന ആദ്യം വെള്ളിത്തിരിയില്‍ എത്തുന്നത്. പിന്നീട് കരുണം, ഒരു ചെറു പുഞ്ചിരി, വര്‍ണ്ണക്കാഴ്ചകള്‍ എന്നിങ്ങനെ നിരവധി സിനിമകളില്‍ ലെന അഭിനയിച്ചു.
മലയാളം ടെലിവിഷന്‍ പരമ്ബരകളിലും ലെന മുഖം കാണിച്ചു. 2011ല്‍ പുറത്തിറങ്ങിയ ട്രാഫിക്കാണ് ലെനയുടെ സിനിമ ജീവിതത്തില്‍ വഴിത്തിരിവായ ചിത്രം.
ഏതു തരം കഥാപാത്രവും ലെനയില്‍ സുരക്ഷിതമാണെന്ന് അവര്‍ തെളിയിച്ചു. ചുരുങ്ങിയ കാലത്തിനിടെ, ക്യാരക്ടര്‍ റോളുകളിലൂടെ ലെന തന്റെ കഴിവ് തെളിയിച്ചു.
മുതിര്‍ന്ന നടന്മാരുടെ അമ്മ വേഷം ചെയ്യാനോ നെഗറ്റീവ് റോളുകള്‍ ചെയ്യാനോ മടിയില്ലാത്ത ലെനയുടെ കഥാപാത്രങ്ങളെല്ലാം ശ്രദ്ധേയമാണ്.
തനിക്ക് കിട്ടുന്ന വേഷം വേറിട്ട് നിര്‍ത്തുക മാത്രമല്ല പ്രേക്ഷകരെ വെറുപ്പിക്കാത്തൊരു നടിയാണെന്നും ലെനയെ കുറിച്ച് ആരാധകര്‍ പറയാറുണ്ട്.
തന്റേതായ അഭിപ്രായങ്ങള്‍ തുറന്നു പറയാനും മടിയില്ലാത്ത ലെന അഭിനയത്തില്‍ മാത്രമല്ല, മേക്കോവറിലും കോസ്റ്റ്യൂമിലുമൊക്കെ ശ്രദ്ധ പുലര്‍ത്താറുണ്ട്.
ഇടയ്ക്കിടെ ഗെറ്റപ്പ് ചെയ്ഞ്ചുകളിലൂടെ ആരാധകരെ വിസ്മയിപ്പിക്കുന്ന ലെന, അടുത്തിടെ തല വരെ മൊട്ടയടിച്ചിരുന്നു.
ഇപ്പോഴിതാ ലെനയുടെ ഏറ്റവും പുതിയ ഫോട്ടോഷൂട്ട് ചിത്രങ്ങളാണ് സോഷ്യല്‍ മീഡിയയില്‍ ശ്രദ്ധേയമാകുന്നത്.
മുടി ബോയ്കട്ട് ചെയ്ത്, വശങ്ങളില്‍ സ്വര്‍ണ്ണത്തുന്നലുകളോടു കൂടിയ വാടാമുല്ലക്കളറിലുള്ള മനോഹരമായ ഡ്രസ് ധരിച്ചാണ് ലെന ഫോട്ടോഷൂട്ടില്‍ പങ്കെടുത്തിരിക്കുന്നത്.
തോമസ് ജേക്കബ് ഫോട്ടോഗ്രഫിയാണ് ചത്രങ്ങള്‍ പകര്‍ത്തിയിരിക്കുന്നത്. ബാത്ത് ടബ്ബില്‍ ഇരിക്കുന്നതും, കിടക്കുന്നതും, അങ്ങനെ നിരവധി പൊസിഷനിലുള്ള മനോഹരമായ ചിത്രങ്ങള്‍ സോഷ്യല്‍ മീഡിയയില്‍ വൈറലായിരിക്കുകയാണ്.
