സഹസംവിധായകനായി മലയാള സിനിമയിലെത്തിയ ലാൽ ജോസ് സ്വതന്ത്ര സംവിധായകനായത് മമ്മൂട്ടിയെ നായകനാക്കി ഒരു മറവത്തൂർ കനവ് എന്ന സിനിമ ഒരുക്കിയായിരുന്നു. പിന്നീട് നിരവധി സൂപ്പർഹിറ്റുകൽ മലയാളത്തിന് സമ്മാനിച്ച ലാൽ ജോസ് ഇടയ്ക്കിടെ മമ്മൂട്ടിയെ നായകനാക്കിയും സൂപ്പർഹിറ്റുകൾ ഒരുക്കിയിരുന്നു.
ഇപ്പോഴിതാ മലയാളതതിന്റെ മെഗാസ്റ്റാർ മമ്മൂട്ടിയും സൂപ്പർ സംവിധായകൻ ലാൽ ജോസും വീണ്ടും ഒന്നിക്കുന്നതായുള്ള സൂചനകളാണ് പുറത്തുവരുന്നത്. ഒരു ഗ്രാമീണ കഥയാണ് ഇത്തവണ ലാൽ ജോസ് മമ്മൂട്ടിക്കായി തെരഞ്ഞെടുത്തിരിക്കുന്നതെന്നും വിവരമുണ്ട്.
ഇക്ബാൽ കുറ്റിപ്പുറമായിരിക്കും രചന നിർവഹിക്കുക എന്നറിയുന്നു. മമ്മൂട്ടിക്കുവേണ്ടി ആദ്യമായാണ് ഇക്ബാൽ രചന നടത്തുന്നത്. ലാൽ ജോസിന്റെ അറബിക്കഥ, ഡയമണ്ട് നെക്ലേസ്, വിക്രമാദിത്യൻ എന്നീ സിനിമകൾക്ക് തിരക്കഥ രചിച്ചത് ഇക്ബാൽ കുറ്റിപ്പുറമായിരുന്നു. ഈ മൂന്ന് ചിത്രങ്ങളും ഹിറ്റുകളായിരുന്നു.
ഒരു മറവത്തൂർ കനവ്, പട്ടാളം, പുറംകാഴ്ചകൾ (ലഘുചിത്രം – കേരള കഫെ), ഇമ്മാനുവൽ എന്നിവയാണ് ലാൽ ജോസ് സംവിധാനം ചെയ്ത മമ്മൂട്ടിച്ചിത്രങ്ങൾ. ഇതിൽ ഒരു മറവത്തൂർ കനവും പട്ടാളവും തികച്ചും ഗ്രാമീണ പശ്ചാത്തലത്തിലുള്ള സിനിമകളായിരുന്നു. 2 ചിത്രങ്ങളും വൻ വിജയവുമായിരുന്നു നേടിയത്.
അതേ സമയം കോവിഡ് ലോക്ഡൗൺമൂലം ഇപ്പോൾ സിനിമാ രംഗമാകെ സ്തംഭിച്ചിരിക്കുകയാണ്. ലോക്ഡൗൺ നിയന്ത്രണങ്ങൾ പിൻവലിച്ചാൽ റിലീസിന് തയ്യാറായി കാത്തിരിക്കുന്നത് വൺ എന്ന മമ്മൂട്ടി ചിത്രമാണ്. നേരത്തെ തീരുമാനിച്ചിട്ടുള്ള സിനികൾ പൂർത്തിയാക്കിയിട്ടേ മമ്മൂട്ടി ലാൽജോസ് ഇക്ബാൽ കുറ്റിപ്പുറം സിനിമ നടക്കൂ എന്നാണറിയുന്നത്.
