മിനിസ്‌ക്രീന്‍ പ്രേക്ഷകരായ മലയാളികള്‍ക്ക് ഏറെ സുപരിചിതയായ മുഖമാണ് ഐശ്വര്യ രാജീവ്. നിരവധി സീരിയലുകളില്‍ വേഷമിട്ടിട്ടുള്ള ഐശ്വര്യ സ്റ്റാര്‍ മാജിക്കിലൂടേയുമാണ് ജനപ്രീയയായി മാറുന്നത്. വളരെ എനര്‍ജറ്റിക്കായാണ് ഐശ്വര്യ പരിപാടിയില്‍ പങ്കെടുക്കുന്നത്.
അതേ സമയം സീരിയലുകളില്‍ കാണുന്ന ഐശ്വര്യയല്ല ജീവിതത്തില്‍ എന്നാണ് എല്ലാവരും പറയുന്നത്. വളരെ പാവമായ, തമാശകള്‍ പറയുന്ന നിഷ്‌കളങ്കയായൊരു പെണ്‍കുട്ടിയാണ് ഐശ്വര്യ എന്നാണ് താരത്തെക്കുറിച്ച് ആരാധകര്‍ പറയുന്നത്.
ഒരു നല്ല നര്‍ത്തകി കൂടിയാണ് ഐശ്വര്യ. താരം ഒരു ഡാന്‍സ് സ്‌കൂളും നടത്തുന്നുണ്ട്. സോഷ്യല്‍മീഡിയയില്‍ സജീമായ താരത്തിന് സ്വന്തമായി ഒരു യൂട്യൂബ് ചാനലുമുണ്ട്. അടുത്തിടെയാണ് താരം യൂട്യൂബ് ചാനല്‍ ആരംഭിച്ചത്. നടന് ബിനീഷ് ബാസ്റ്റിനായിരുന്നു ചാനല്‍ ഉദ്ഘാടനം ചെയ്തത്.
ആദ്യ എപ്പിസോഡില്‍ ബിനീഷിനുമൊത്തുള്ള വീഡിയോയാണ് താരം ചെയ്തത്. ചൂണ്ടയിടാന്‍ പോകുന്നതും വിശേഷങ്ങള്‍ പറയുന്നതുമൊക്കെയാണ് വീഡിയോയിലുള്ളത്. താന്‍ നന്നായി മീന്‍ പിടിക്കുന്ന ആളാണെന്നും ചൂണ്ടയിടാന്‍ തനിക്ക് പ്രത്യേക കഴിവുണ്ടെന്നും ബിനീഷ് പറയുന്നു.
ആദ്യ വീഡിയോയായതിനാല്‍ തെറ്റുകളൊക്കെ സംഭവിച്ചിട്ടുണ്ടാവാമെന്നും എല്ലാരും തന്നോട് ക്ഷമിക്കണമെന്നും വരും ദിവസങ്ങളില്‍ ഇംപ്രൂവ് ചെയ്യാമെന്നും ഐശ്വര്യ പറയുന്നു. നിരവധി പേരാണ് താരത്തിന് കമന്റ്‌സിലൂടെ ആശംസകള്‍ അറിയിച്ചത്.
