അഭിനേതാവായി മലയാള സിനിമയിലേക്ക് എത്തി ഇപ്പോള്‍ മലയാളികള്‍ക്ക് ഏറെ പ്രിയപ്പെട്ട മിനിസ്‌ക്രീന്‍ അവതാരകനുമായി മാറിയ താരമാണ് മിഥുന്‍ രമേശ്. സിനിമയില്‍ ഡബ്ബിംഗ് ആര്‍ടിസ്റ്റായി എത്തിയ പിന്നീട് നടനാവുകയായിരുന്നു താരം. ഇതിനു ശേഷമാണ് മിഥുന്‍ അവതാരകനെന്ന കരിയറിലേക്ക് എത്തിയത്.
ദുബായിയില്‍ റേഡിയോ ജോക്കിയായും തിളങ്ങുന്ന മിഥുന്റെ കുടുംബവും മലയാളികള്‍ക്ക് സുപരിചിതയാണ്. മകളും ഭാര്യയും സോഷ്യല്‍ മീഡിയകളിലൂടെ പങ്കുവെയ്ക്കുന്ന വീഡിയോകള്‍ വളരെ പെട്ടെന്ന് വൈറലായി മാറാറുണ്ട്.
ഇപ്പോഴിതാ തങ്ങളുടെ വിവാഹജീവിതത്തെ കുറിച്ച് സംസാരിക്കുകയാണ് മിഥുനും ലക്ഷ്മിയും. തനിക്ക് മിഥുന്‍ ചേട്ടനെ കണ്ടപ്പോള്‍ ഒരു ഫാദര്‍ ഫിഗറ് പോലെയായിരുന്നുവെന്നും താന്‍ അച്ഛന്റെ സ്‌നേഹം എന്താണെന്ന് ശരിക്കും അറിഞ്ഞിട്ടില്ലെന്നും ചെറുപ്പത്തില്‍ അച്ഛനും അമ്മയും ഡിവോഴ്‌സായതോടെ ഒന്നോ രണ്ടോ തവണയേ അച്ഛനെ കണ്ടിട്ടുള്ളൂവെന്നും ലക്ഷ്മി പറയുന്നു.
താനും മിഥുന്‍ ചേട്ടനും തമ്മില്‍ എന്തെങ്കിലും പ്രശ്‌നമുണ്ടെങ്കില്‍ അത് തന്‍വി അനുഭവിക്കാന്‍ പാടില്ലെന്ന നിര്‍ബന്ധം തനിക്കുണ്ടെന്നും അതുകൊണ്ടുതന്നെ പ്രശ്‌നങ്ങള്‍ പരമാവധി തങ്ങള്‍ തന്നെ തീര്‍ക്കാറുണ്ടെന്നും പകുതിക്ക് വെച്ച് ഈ റിലേഷന്‍ഷിപ്പ് താന്‍ വിട്ടിട്ട് പോകില്ലെന്നും ലക്ഷ്മി പറയുന്നു.
താന്‍ വളര്‍ന്നുവന്നത് ഒരു കൂട്ടുകുടുംബത്തിലാണെന്ന് മിഥുന്‍ പറയുന്നു. ആ കൂട്ടുകുടുംബം ചെറിയ കുടുംബങ്ങളായി മാറിയതും താന്‍ നേരിട്ട് കണ്ടിട്ടുണ്ടെന്നും തനിക്ക് എന്നും പ്രിയപ്പെട്ടതാണ് കുടുംബമെന്നും അതിന് പ്രാധാന്്യം കൊടുക്കുന്നുണ്ടെന്നും മിഥുന്‍ കൂട്ടിച്ചേര്‍ത്തു.
