സുരേഷ് ഗോപിയും നിഥിൻ രൺജി പണിക്കരും ഒന്നിക്കുന്ന കാവൽ എന്ന ചിത്രത്തിന്റെ ടൈറ്റിൽ പോസ്റ്റർ പുറത്ത്. നിഥിൻ രഞ്ജിപണിക്കർ തന്നെയാണ് ചിത്രത്തിന്റെ തിരക്കഥയും. ‘സത്യം തെളിയുന്നതുവരെ, കുടുംബത്തിനും, നിങ്ങൾക്കും കാവലായി ഞാനും, എനിക്ക് കാവലായി ദൈവവും ഉണ്ട്.’ എന്നാണ് പോസ്റ്റർ പങ്കുവെച്ച് സുരേഷ് ഗോപി ഫെയ്സ്ബുക്കിൽ കുറിച്ചത്.
ഹൈറേഞ്ച് പശ്ചാത്തലത്തിൽ രണ്ടു കാലഘട്ടത്തിന്റെ കഥ ദൃശ്യവൽക്കരിക്കുന്ന ചിത്രം ഒരു ആക്ഷൻ ഫാമിലി ഡ്രാമ ആയിട്ടാണ് ഒരുങ്ങുന്നത്. ചിത്രത്തിൽ ശ്രദ്ധേയമായ വേഷത്തിൽ ലാലും എത്തുന്നുണ്ട്. ഗുഡ് വിൽ എന്റർടെയ്ൻമെന്റിന്റെ ബാനറിൽ ജോബി ജോർജ്ജാണ് ചിത്രം നിർമ്മിക്കുന്നത്.
അനൂപ് സത്യൻ ഒരുക്കുന്ന ചിത്രത്തിനു ശേഷം സുരേഷ് ഗോപി ഈ ചിത്രത്തിന്റെ പ്രവർത്തനത്തിലേക്ക് കടക്കും. അതേസമയം, രഞ്ജി പണിക്കർ – സുരേഷ് ഗോപി കൂട്ടിൽ ഒരുങ്ങിയ ലേലം 2 സംഭവിക്കില്ലെന്നാണ് റിപ്പോർട്ടുകൾ.
