ജനപ്രീയമായ മികച്ച സീരിയലുകള്‍ സംപ്രേഷണം ചെയ്യുന്നതില്‍ എന്നും മുന്‍പന്തിയില്‍ നില്‍ക്കുന്ന ചാനലാണ് ഏഷ്യാനെറ്റ്. അതിലൊന്നാണ് മൗനരാഗം. ഊമയായ പെണ്‍കുട്ടിയുടെ കഥയാണ് സീരിയല്‍ പറയുന്നത്. ജീവിതത്തില്‍ അവള്‍ അനുഭവിക്കുന്ന ദുരിതങ്ങളും ദുഖങ്ങളും അവഗണനകളുമാണ് സീരിയലിന്റെ ഇതിവൃത്തം.
തമിഴ് താരങ്ങളായ നലീഫ് ജിയയും ഐശ്വര്യ റാംസായുമാണ് സീരിയലിലെ കേന്ദ്രകഥാപാത്രങ്ങളെ അവതരിപ്പിക്കുന്നത്. ഇവര്‍ക്കൊപ്പം തന്നെ സീരിയലില്‍ പ്രേക്ഷകര്‍ ഏറ്റെടുത്ത മറ്റൊരു പ്രണയ ജോഡികള്‍ കൂടിയുണ്ട്. സോണിയും വിക്രമും. ഇവരുടെ പ്രണയവും വിവാഹവുമൊക്കെ പ്രേക്ഷകര്‍ ഏറ്റെടുത്തിരുന്നു.
കല്യാണ്‍ ഖന്ന എന്ന നടനാണ് വിക്രമായി എത്തുന്നത്. സോണിയായി എത്തുന്നതാകട്ടെ തമിഴ് നടി ശ്രീ ശ്വേതയും. ഇരുവരും ഒന്നിച്ച് സോഷ്യല്‍മീഡിയയില്‍ റീല്‍സുകളും ചെയ്യാറുണ്ടായിരുന്നു. ഇതിന് പിന്നാലെ ഇരുവരും തമ്മില്‍ പ്രണയത്തിലാണെന്ന വാര്‍്ത്തകളും പ്രചരിച്ചിരുന്നു.
ഒരു അഭിമുഖത്തില്‍ കല്യാണ്‍ ഖന്ന ശ്രീശ്വേതയുമായുള്ള തന്റെ ബന്ധത്തെ കുറിച്ച് പറഞ്ഞ കാര്യങ്ങളാണ് ഇപ്പോള്‍ വീണ്ടും ശ്രദ്ധ നേടുന്നത്. ശ്രീശ്വേതയുമായി തനിക്ക് നല്ല സൗഹൃദമാണെന്നും തങ്ങള്‍ പ്രണയത്തിലല്ലെന്നും കല്യാണ്‍ പറയുന്നു.
തങ്ങള്‍ ഒന്നിച്ച് വീഡിയോകള്‍ ചെയ്യുന്നത് കൊണ്ടാവാം ചിലപ്പോള്‍ ഇങ്ങനെയുള്ള വാര്‍ത്തകള്‍ വന്നത്. എന്നാല്‍ അത് തെറ്റാണെന്നും ആദ്യമൊക്കെ ഇത്തരം വാര്‍ത്തകള്‍ വരുമ്പോള്‍ പേടി തോന്നിയിരുന്നുവെന്നും ഇപ്പോള്‍ ഒരു കുഴപ്പവുമില്ലെന്നും താരം കൂട്ടിച്ചേര്‍ത്തു.
