ജിത്തു ജോസഫിന്റെ പുതിയ ചിത്രം മിസ്റ്റര്‍ ആന്‍ഡ് മിസ് റൗഡിയിലൂടെ മലയാളി പ്രേക്ഷകരുടെ പ്രിയ യുവതാരങ്ങളായ അപര്‍ണ ബാലമുരളിയും കാളിദാസ് ജയറാമും എത്തുകയാണ്. ഇപ്പോള്‍ സോഷ്യല്‍ മീഡിയയില്‍ വൈറലാകുന്നത് കാളിദാസ് അപര്‍ണയ്ക്ക് കൊടുത്ത എട്ടിന്റെ പണിയാണ്.
അതേ എന്റെ ഫ്രണ്ടാ.. തലയ്ക്ക് നല്ല സുഖമില്ലാത്ത ആളാണ് എന്ന കുറിപ്പോടെ അപര്‍ണയെ ട്രോളികൊണ്ടുളേള വീഡിയോ താരം ഫേസ്ബുക്കില്‍ പോസ്റ്റിരിക്കുകയാണ്. അപര്‍ണയുടെ ലൊക്കേഷന്‍ വിശേഷങ്ങളാണ് ട്രോള്‍ വീഡിയോയില്‍ ചേര്‍ത്തിരിക്കുന്നത്.
മമ്മി ആന്‍ഡ് മി , മൈ ബോസ് എന്ന ഈ ചിത്രങ്ങള്‍ക്ക് ശേഷം ജീത്തു ജോസഫ് കോമഡിക്കു പ്രാധാന്യം നല്‍കി ചെയ്യുന്ന ചിത്രമാണ് മിസ്റ്റര്‍ ആന്‍ഡ് മിസ് റൗഡി ജീത്തു തന്നെയാണ് ചിത്രത്തിന്‍രെ തിരക്കഥയും ഒരുക്കിയിരിക്കുന്നത്.
ശ്രീഗോകുലം മൂവീസും വിന്റേജ് ഫിലിംസും ചേര്‍ന്നാണ് ഈ ചിത്രം നിര്‍മ്മിക്കുന്നത്. ഗണപതി, വിഷ്ണു ഗോവിന്ദ്, ഷെബിന്‍ ബെന്‍സണ്‍, വിജയ്ബാബു, ശരത് സഭ, സായികുമാര്‍, വിജയരാഘവന്‍ തുടങ്ങിയവര്‍ ചിത്രത്തിലെ മറ്റു പ്രധാന കഥാപാത്രങ്ങള്‍ ചെയ്യുന്നു.
നവാഗതനായ അരുണ്‍ വിജയ് ആണ് ചിത്രത്തിന്റെ സംഗീത സംവിധാനം. കലാസംവിധാനം സാബുറാം, മേക്കപ്പ് ജിതേഷ് പൊയ്യ, കോസ്റ്റ്യൂം ഡിസൈന്‍ ലിന്‍ഡ ജീത്തു. പ്രൊഡക്ഷന്‍ കണ്‍ട്രോളര്‍ അരോമ മോഹന്‍, പ്രൊഡക്ഷന്‍ എക്‌സിക്യൂട്ടീവ് പ്രണവ് കൊടുങ്ങല്ലൂര്‍, സജി കുണ്ടറ. പൂച്ചാക്കല്‍, തൈക്കാട്ടുശ്ശേരി, അരൂര്‍ ഭാഗങ്ങളിലായിട്ടായിരുന്നു ചിത്രത്തിന്റെ ഷൂട്ടിംഗ്. ഫെബ്രുവരി 22 ന് ചിത്രം തിയേറ്ററുകളില്‍ എത്തും.
