ഏറ്റവും കൂടുതല്‍ കാഴ്ചക്കാരുള്ള റിയാലിറ്റി ഷോയാണ് ബിഗ് ബോസ്. നിരവധി ഭാഷകളില്‍ സംപ്രേക്ഷണം ചെയ്യുന്ന ഈ പരിപാടിയില്‍ സിനിമ സീരിയല്‍ സോഷ്യല്‍ മീഡിയ താരങ്ങള്‍ പങ്കെടുക്കുന്നുണ്ട്. മലയാളം ബിഗ് ബോസിന്റെ ആറാം സീസണ്‍ കാണാന്‍ വേണ്ടി കാത്തിരിക്കുകയാണ് പ്രേക്ഷകര്‍.
ഇപ്പോള്‍ ഇതാ മോഹന്‍ലാലിനൊപ്പം ഉള്ള ഫോട്ടോ പങ്കുവെച്ച് എത്തിയിരിക്കുകയാണ്
ജുനൈസും റിനോഷ് ജോര്‍ജും.
ബിഗ് ബോസ് മലയാളം സീസണ്‍ അഞ്ചിലെ മികച്ച മത്സരാര്‍ത്ഥികള്‍ ആയിരുന്നു ഇരുവരും. ഇനാഗുറേഷന്‍ പരിപാടിയില്‍ പങ്കെടുക്കാനാണ് ഇവര്‍ എത്തിച്ചേര്‍ന്നത്.
‘ആറാം സീസണ്‍ ആറാം തമ്പുരാനോടൊപ്പം’, എന്ന ക്യാപ്ഷനോടെയാണ് മോഹന്‍ലാലിനൊപ്പമുള്ള ഫോട്ടോ ഇവര്‍ പങ്കുവച്ചിരിക്കുന്നത്. തങ്ങളുടെ പ്രിയ മത്സരാര്‍ത്ഥികളെ മോഹന്‍ലാലിനൊപ്പം കണ്ട സന്തോഷത്തിലാണ് ബിബി പ്രേക്ഷകരും.
അതേസമയം മാര്‍ച്ച് പത്ത് ഞായറാഴ്ചയാണ് ബിഗ് ബോസ് സീസണ്‍ ആറ് തുടങ്ങുന്നത്. വൈകുന്നേരം ആറ് മണിയോടെ ഇനാഗുറേഷന്‍ എപ്പിസോഡുകള്‍ തുടങ്ങും. ശേഷം ഓരോരോ മത്സരാര്‍ത്ഥികളെയായി മോഹന്‍ലാല്‍ പ്രേക്ഷകര്‍ക്ക് പരിചയപ്പെടുത്തുകയും ബിഗ് ബോസ് വീടിനകത്തേക്ക് കയറ്റി വിടുകയും ചെയ്യും.
