ദൃശ്യം സിനിമ ഉൾപ്പടെയഉള്ള നിരവധി ത്രില്ലർ ചിത്രങ്ങളിലൂടെ ആരാധകരെ ത്രസിപ്പിച്ച ംസവിധായകനാണ് ജീത്തു ജോസഫ്. മലയാള സിനിമയിൽ അത്ര സജീവമല്ലാതിരുന്ന ത്രില്ലർ ഴോണറിലുള്ള ചിത്രങ്ങൾക്ക് ഒരിടവേളയ്ക്ക് ശേഷം സ്ഥാനമുണ്ടാക്കി കൊടുത്ത സംവിധായകനാണ് ജീത്തു ജോസഫ്. ഡിറ്റക്ടീവ്സ് എന്ന സുരേഷ് ഗോപി സിനിമയിലൂടെയാണ് ജീത്തു സംവിധാന രംഗത്തേക്ക് വരുന്നത്.
പ്രേക്ഷകരുടേയും നിരൂപകരുടെയും പ്രശംസ ലഭിച്ച ചിത്രത്തിന് ശേഷം ജീത്തു സംവിധാനം ചെയ്ത സിനിമയായിരുന്നു മോഹൻലാൽ-മീന ജോഡികൾ എത്തിയ ദൃശ്യം. അന്ന് ആ ചിത്രം മലയാളത്തിൽ ആദ്യമായി 50 കോടി നേടുന്ന സിനിമയായി മാറുകയും ചെയ്തു.
പിന്നീട് പല ഭാഷകളിൽ ദൃശ്യം റീമേക്ക് ചെയ്യപ്പെട്ടു. ദൃശ്യത്തിന്റെ രണ്ടാം ഭാഗവും അദ്ദേഹം എടുത്ത് ശ്രദ്ധനേടിയിരുന്നു. റാം, നേര് എന്നീ സിനിമകളാണ് ഇനി ജീത്തുവിന്റെ പുറത്തിറങ്ങാനായി കാത്തിരിക്കുന്ന ചിത്രം. ഇപ്പോഴിതാ മമ്മൂട്ടിയെ പറ്റി സംസാരിക്കുന്ന ജീത്തു ജോസഫിന്റെ വീഡിയോ ശ്രദ്ധേയമാവുകയാണ്.
ദൃശ്യം സിനിമ തുടങ്ങുമ്പോൾ മമ്മൂട്ടിയോട് സംസാരിച്ചതിനെ കുറിച്ചാണ് ജീത്തു സംസാരിക്കുന്നത്. ദൃശ്യത്തിലേക്ക് വരണോ വേണ്ടയോ എന്ന സംശയത്തിൽ മീന നിൽക്കുമ്പോൾ അവരോട് സംസാരിക്കാൻ മമ്മൂട്ടി തയാറായെന്നാണ് ജീത്തു പറയുന്നത്.
മമ്മൂട്ടി എവിടെ വെച്ച് കണ്ടാലും വളരെ സ്നേഹത്തോടെയാണ് പെരുമാറുന്നതെന്നും ഒപ്പം പടം ചെയ്യാൻ ആഗ്രഹമുണ്ടെന്നും ജീത്തു പോപ്പർ സ്റ്റോപ്പിന് നൽകിയ അഭിമുഖത്തിൽ പറഞ്ഞു.
ദൃശ്യത്തിനായി മീനയെ കാണാൻ ഞാൻ ചെന്നപ്പോൾ അവിടെ മമ്മൂക്ക ഉണ്ടായിരുന്നു. മീന വേണോ വേണ്ടയോ എന്നാലോചിച്ച് നിന്നപ്പോൾ ഞാൻ പറയാടാഎന്നാണ് മമ്മൂക്ക പറഞ്ഞത്. വളരെ ബഹുമാനത്തോടെയാണ് ഞാൻ അദ്ദേഹത്തെ കാണുന്നത്.
മമ്മൂട്ടിയോട് രണ്ടുമൂന്ന് പടത്തിന്റെ കഥ പറഞ്ഞിട്ടും നടന്നില്ല. അദ്ദേഹത്തിനൊപ്പം ഒരു പടം ചെയ്യണമെന്ന് അതിയായ ആഗ്രഹമുണ്ട്. അത് അദ്ദേഹത്തിനും അറിയാം. താൻ മെസേജ് അയച്ചിട്ടുണ്ട്. തനിക്ക് അദ്ദേഹത്തോട് ഭയങ്കര ഇഷ്ടവും സ്നേഹവുമാണ്. എവിടെ വെച്ച് കണ്ടാലും എന്താടാ എന്ന് ചോദിക്കുമെന്നും ജീത്തു പറയുന്നു.
നേരത്തെ, കൊവിഡിന് മുമ്പ് റാമിന്റെ ലൊക്കേഷൻ നോക്കാൻ പോയപ്പോൾ അവിടെ മമ്മൂക്കയുടെ ഷൂട്ട് നടക്കുന്നുണ്ടായിരുന്നു. കഥയൊക്കെ മമ്മൂക്ക ചോദിച്ചു. താൻ കഥ പറഞ്ഞു. ഇന്റർനാഷണൽ ആണല്ലേ എന്നാണ് മമ്മൂക്ക പറഞ്ഞതെന്നും ജീത്തു വെളിപ്പെടുത്തുന്നു.
മമ്മൂട്ടി ഭയങ്കര കൗതുകവും ആകാംക്ഷയും സ്നേഹവുമൊക്കെയുള്ള ആളാണ്. പുറമേ പരുക്കനായി തോന്നുമെങ്കിലും ആള് ഒരു പാവമാണെന്നും ജീത്തു പറഞ്ഞു. അതേസമം, നേരാണ് ഇനി റിലീസിനൊരുങ്ങുന്ന ജീത്തു ജോസഫ് ചിത്രം. മോഹൻലാൽ നായകനാവുന്ന ചിത്രം ഡിസംബർ ഇരുപത്തിയൊന്നിനാണ് പ്രദർശനത്തിനെത്തുന്നത്.
മോഹൻലാലിന്റെ നായികയായി വീണ്ടും പ്രിയാമണി എത്തുന്ന ചിത്രത്തിൽ സിദ്ദീഖ്, ജഗദീഷ്, അനശ്വര രാജൻ, ഗണേഷ് കുമാർ, നന്ദു, ദിനേശ് പ്രഭാകർ, ശങ്കർ ഇന്ദുചൂഡൻ, ശാന്തി മായാദേവി, മാത്യു വർഗീസ്, കലേഷ്, കലാഭവൻ ജിന്റോ, രശ്മി അനിൽ, രമാദേവി, എന്നിവരാണ് മറ്റ് കഥാപാത്രങ്ങളെ അവതരിപ്പിക്കുന്നു.
