മലയാളികള്‍ക്ക് ഏറെ പ്രിയപ്പെട്ട മാതൃകാ താരദമ്പതികള്‍ ആണ് നടന്‍ ജയറാമും ഭാര്യയും മുന്‍കാല നായികാ നടിയായ പാര്‍വ്വതിയും. താന്‍ സിനിമയില്‍ സൂപ്പര്‍ നായികയായി തിളങ്ങി നില്‍ക്കുമ്പോള്‍ ആയിരുന്നു പാര്‍വ്വതി അന്ന് യുവതാരമായിരുന്ന ജയറാമിനെ പ്രണയിച്ചതും വിവാഹം കഴിച്ചതും.
വിവാഹ ശേഷം പാര്‍വ്വതി സിനിമാ രംഗത്ത് നിന്നും വിട്ടു നില്‍ക്കുകയാണ്. രണ്ട് മക്കളാണ് ഇവര്‍ക്ക് ഉള്ളത് കാളിദാസും മാളവികയും. കാളിദാസ് ഇപ്പോള്‍ തെന്നിന്ത്യയിലെ അറിയപ്പെടുന്ന യുവനടന്‍ ആണ്. ബാല താരമായി സിനിമയിലേക്ക് എത്തിയ കാളിദാസ് ഇപ്പോള്‍ തമിഴകത്തിലെ തിരക്കേറിയ താരമായി മാറിയിരിക്കുക ആണ്.
ജയറാം അഭിനയിച്ചതിലേറെയും കുടുംബചിത്രങ്ങളായിരുന്നു. എന്നാല്‍ വ്യത്യസ്തമായ ചിത്രങ്ങളും താരം പരീക്ഷിച്ചിട്ടുണ്ട്. എബ്രഹാം ഓസ്ലറാണ് താരത്തിന്റെ അവസാനമായി തിയ്യേറ്ററുകളിലെത്തിയ ചിത്രം. ഇപ്പോഴിതാ സ്ത്രീധനത്തെ കുറിച്ച് ജയറാം പറഞ്ഞ വാക്കുകളാണ് ശ്രദ്ധനേടുന്നത്.
സ്ത്രീധനം എന്ന സമ്പ്രദായം തന്നെ തെറ്റാണ്. കണ്ണന്‍ ഒരു പെണ്‍കുട്ടിയെ ഇഷ്ടമാണെന്ന് തന്നോട് പറഞ്ഞപ്പോള്‍ , ആ മോളെ അവള്‍ ഇട്ടിരിക്കുന്ന വേഷത്തോടെ വിളിച്ചുകൊണ്ടു വാ , വേറെ ഒന്നും നമുക്ക് വേണ്ട എന്നാണ് താന്‍ പറഞ്ഞതെന്നും ജയറാം പറയുന്നു.
മകള്‍ ചക്കിയുടെയും വിവാഹമാണ്. അവളെ കല്യാണം കഴിക്കുന്ന ചെക്കനും വീട്ടുകാരും പറഞ്ഞത് മകളെ മാത്രം തന്നാല്‍ മതി, വിവാഹച്ചെലവ് പോലും അവര്‍ നോക്കാമെന്നാണെന്നും മനുഷ്യരുടെ ചിന്താഗതി ഇതുപോലെയൊക്കെ മാറണമെന്നും ജയറാം പറഞ്ഞു.
