ബിഗ് ബോസ് മലയാളം സീസൺ 4 സമ്മാനിച്ചത് ഒരുപാട് പുതുമുഖങ്ങളെയാണ്. നേരത്തെ പരിിതമല്ലാത്തവരെ പോലും ബിഗ് ബോസ് പ്രശസ്തമാക്കുകയും ചെയ്തിരുന്നു. ബിഗ് ബോസ് മലയാളം സീസൺ 4 ലൂടെ ജനപ്രീയയായി മാറിയ താരമാണ് ജാനകി സുധീർ. ഒരാഴ്ച മാത്രമായിരുന്നു ബിഗ് ബോസ് വീട്ടില് താരം ഉണ്ടായിരുന്നത്. എന്നിരുന്നാൽ പോലും ഈ സമയം കൊണ്ട് തന്നെ ജാനകി സുധീർ പ്രേക്ഷക ഹൃദയം കീഴടക്കിയിരുന്നു.
തന്റെ മനസിലുള്ളത് തുറന്ന് പറയുന്ന, ജെനുവിനായി ഇടപെടുന്ന താരമെന്ന നിലയിലാണ് ജാനകി ശ്രദ്ധ നേടിയത്. പുറത്തായ താരങ്ങളെ തിരികെ കൊണ്ടു വരുമെങ്കിൽ ആരായിരിക്കണം എന്ന ചോദ്യത്തിന് ബിഗ്ബ ബോസ് വീടിന് അകത്തുണ്ടായിരുന്നവരും പ്രേക്ഷകരും ഒരുപോലെ പറഞ്ഞത് ജാനകിയുടെ പേര് തന്നെയായിരുന്നു. ഇപ്പോഴിതാ ജാനകിയുടെ പുതിയ സിനിമ റിലീസ് ചെയ്തിരിക്കുകയാണ്.
ലെസ്ബിയൻ പ്രണയ കഥ പറയുന്ന ഹോളി വൂണ്ട് ആണ് ജാനകിയുടെ പുതുതായി ഇറങ്ങിയ ചിത്രം. ചിത്രത്തിലെ രംഗങ്ങൾ നേരത്തെ തന്നെ ചർച്ചയായി മാറിയിരുന്നു. ഓഗസ്റ്റ് 12 നായിരുന്നു സിനിമയുടെ റിലീസ്. സോഷ്യൽ മീഡിയയിൽ നിരവധി പേരാണ് ചിത്രത്തെ അഭിനന്ദിച്ചു കൊണ്ട് എത്തുന്നത്. ഇപ്പോഴിതാ ബിഗ് ബോസ് താരം നിമിഷയും ചിത്രത്തെക്കുറിച്ച് പ്രതികരണവുമായി എത്തിയിരിക്കുന്നത്. നിന്റെ സിനിമ കണ്ടു തീർന്നതേയുള്ളൂ.
ഒരു ഡയലോഗ് പോലുമില്ലാതെ പ്രേക്ഷകരിൽ ഉടനീളം ആകാംഷ സൃഷ്ടിക്കാൻ സാധിച്ചിട്ടുണ്ട്. നീ അടിപൊളിയാക്കി. നിന്നെയോർത്ത് അഭിമാനിക്കുന്നു. നീ വലിയ ഉയരങ്ങളിലെത്തുമെന്ന് പ്രതീക്ഷിക്കുന്നുവെന്നുമാണ് നിമിഷ കുറിച്ചത്. ബിഗ് ബോസ് മലയാളം സീസൺ 4 ലെ ജനപ്രീയ താരങ്ങളിൽ ഒരാളായിരുന്നു നിമിഷ. സീസൺ 4ന്റെ അമ്പതാം എപ്പിസോഡിലാണ് നിമിഷ ഷോയിൽ നിന്നും പുറത്താകുന്നത്.
ഒരിക്കൽ ഷോയിൽ നിന്നും പുറത്തായ ശേഷം തിരികെ വന്ന താരമാണ് നിമിഷ. രണ്ടാം വരവിൽ ഗംഭീര പ്രകടനമാണ് നിമിഷ പുറത്തെടുത്തത്. അതേസമയം തന്റെ ബോൾഡ് ഫോട്ടോഷൂട്ടിന്റെ പേരിലും ലെസ്ബിയൻ പ്രണയകഥ പറയുന്ന സിനിമയിലെ രംഗങ്ങളുടെ പേരിലും വിമർശിക്കുന്നവർക്ക് ജാനകി മറുപടി നൽകി രംഗത്ത് വന്നിരുന്നു.
എന്റെ ശരീരത്തിൽ എനിക്ക് ആത്മവിശ്വാസം ഉള്ളത് കൊണ്ടാണ് ഞാൻ അത്തരം ഫോട്ടോഷൂട്ടുകൾ ചെയ്യുന്നത് എന്നാണ് ബോൾഡ് ഫോാട്ടോഷൂട്ടുകളെക്കുറിച്ച് ജാനകി പറയുന്നത്. ഞാൻ മാത്രമല്ല, ഇവിടെ എന്നെപോലെ പലരും ബോൾഡ് ഫോട്ടോഷൂട്ട് എന്ന് വിളിയ്ക്കുന്ന ഇത്തരം ഫോട്ടോഷൂട്ടുകൾ ചെയ്യാറുണ്ടെന്നും ജാനകി പറയുന്നു.
തന്റെ കാഴ്ചപാടിൽ ഞാൻ ഓകെയാണ്. മറ്റുള്ളവർക്ക് എന്റെ ഫോട്ടോഷൂട്ട് ഒരു മോശമായി തോന്നുന്നുണ്ട് എങ്കിൽ അത് തന്റെ കുറ്റമല്ല എന്നും ജാനകി പറയുന്നു. ക്യാമറയ്ക്ക് മുന്നിൽ അങ്ങനെ ഇരിക്കാനുള്ള ആത്മവിശ്വാസം എനിക്കുള്ളപ്പോൾ മറ്റുള്ളവർ പറയുന്നതിനെ ഞാൻ കാര്യമാക്കേണ്ടതില്ല എന്നും തന്നെ വിമർശിക്കുന്നവർക്ക് തന്നെ പോലെ ചെയ്യാനാകില്ലെന്നും ജാനകി കൂട്ടിച്ചേർത്തു.
അശോക് ആർ നാഥ് സംവിധാനം ചെയ്ത സിനിമയാണ് ഹോളി വൂണ്ട്. പോൾ വിക്ലിഫ് തിരക്കഥയെഴുതിയ സിനിമയുടെ നിർമ്മാണം സന്ദീപ് ആർ ആണ്. ജാനകി സുധീറിനൊപ്പം അമൃത വിനോദും സാബു പരുദീനുമാണ് ചിത്രത്തിലെ മറ്റ് പ്രധാന താരങ്ങൾ. ഉണ്ണി മടവൂർ ആണ് സിനിമയുടെ ഛായാഗ്രഹണം. ഒടിടി റിലീസിലൂടെ പ്രേക്ഷകരുടെ മുന്നിലെത്തിയ സിനിമയ്ക്ക് മികച്ച പ്രതികരണവും ഒപ്പം വിമർശനവും നേരിടേണ്ടി വന്നിട്ടുണ്ട്.
