ബോളിവുഡ് സൂപ്പർ താരം ചങ്കി പാണ്ഡെയുടെ മകൾ എന്നതിനപ്പുറം ബോളിവുഡ് സിനിമാലോകത്ത് തന്റേതായ ഒരിടം കണ്ടെത്തിയ താരമാണ് അനന്യ പാണ്ഡെ.
ലഹരിമരുന്ന് കേസിൽ ആര്യ ഖാന്റെ ജാമ്യവുമായി ബന്ധപ്പെട്ട് ഒരു യുവ നടിയുടെ പേര് ഉയർന്ന് വന്നിരുന്നു. അനന്യ പാണ്ഡെ ആണ് ആ നടി എന്ന് വാർത്തകൾ വന്നതിന് ശേഷം നടിയെ കുറിച്ചുള്ള വിവരങ്ങൾ തപ്പുകയാണ് സോഷ്യല്ഡമീഡിയ.
ALSO READ
ലഹരി മരുന്ന് ഉപയോഗവുമായി ബന്ധപ്പെട്ട് ആര്യൻ ഖാൻ അനന്യയുമായി വാട്‌സാപ്പ് ചാറ്റ് നടത്തിയതിന്റെ സൂചനകൾ ഇപ്പോൾ ലഭിച്ചിരിയ്ക്കുകയാണ്. തുടർന്ന് ഷാരൂഖ് ഖാന്റെയും അനന്യയുടെയും വീട്ടിൽ ഒരേ സമയം റൈഡ് നടത്തി.
2019ൽ പുറത്തിറങ്ങിയ, ടൈഗർ ഷ്റോഫ് നായകനായ സ്റ്റുഡന്റ് ഓഫ് ദ ഇയർ 2വിലൂടെയാണ് അനന്യ ബോളിവുഡിൽ തന്റെ തുടക്കം കുറിച്ചത്. ആദ്യ ചിത്രത്തിൽ തന്നെ മികച്ച പെർഫോമൻസാണ് അനന്യ കാഴ്ചവെച്ചത്. എന്നാൽ ചിത്രം സാമ്പത്തികമായി വലിയ വിജയം കരസ്ഥമാക്കിയില്ല.
സ്റ്റുഡന്റ് ഓഫ് ദി ഇയർ 2ലെ അനന്യയുടെ കഥാപാത്രം ശ്രദ്ധിയ്ക്കപ്പെട്ടു. തുടർന്ന് കാർത്തിക് ആര്യൻ നായകനായ ‘പാതി പത്‌നി ഓർ വോഹ്’ എന്ന ചിത്രത്തിൽ ഭൂമി പഡ്‌നേക്കറിനൊപ്പം രണ്ടിൽ ഒരു നായികയായി എത്തിയ അനന്യ ആ വർഷത്തെ മികച്ച യുവനടിക്കുള്ള ഫിലിംഫെയർ അവാർഡും സ്വന്തമാക്കി.
‘പാതി പത്‌നി ഓർ വോഹ്യ്ക്ക് പിന്നാലെ ചിത്രത്തിലെ നായകൻ കാർത്തിക് ആര്യനും അനന്യയും തമ്മിൽ പ്രണയത്തിലാണ് എന്ന തരത്തിലുള്ള വാർത്തകൾ പ്രചരിച്ചിരുന്നു. എന്നാൽ കാർത്തിക് ആര്യന്റെ പേര് മറ്റ് നടിമാരുടെ കൂടി ചേർന്ന് വായിയ്ക്കപ്പെട്ടതോടെ ആ അധ്യായം അടയുകയായിരുന്നു.
ALSO READ
തനിക്കെതിരെ വന്ന ട്രോളിന് പ്രതികരണവുമായി ഗായത്രി സുരേഷ്
ഇതുവരെ ആറു ചിത്രങ്ങളിലാണ് അനന്യ അഭിനയിച്ചത്. ബോളിവുഡിന് പുറമെananya pande തെന്നിന്ത്യൻ സിനിമകളിലേയ്ക്കും താരം തന്റെ ചുവട് ഉറപ്പിയ്ക്കുവാനുള്ള ശ്രമത്തിലാണ്. വിജയ് ദേവരകൊണ്ട നായകനായി എത്തുന്ന ലൈഗർ എന്ന ചിത്രത്തിൽ നായികയായി എത്തുന്നത് അനന്യ ആണ്. ചിത്രം വിവിധ ഭാഷകളിലാണ് പുറത്തിറങ്ങുന്നത്.
ബോളിവുഡിൽ മുൻനിര നായികമാരുടെ പട്ടികയിലേക്ക് ഉയർന്നുകൊണ്ടേ ഇരിയ്ക്കുകയാണ് അനന്യ. ബോളിവുഡിലെ സൂപ്പർ താരം ഷാരൂഖ് ഖാന്റെ മകൻ ആര്യൻ ഖാന്റെയും മകൾ സുഹാനയുടെയും സുഹൃത്ത് കൂടിയായാണ് അനന്യ.
