മമ്മൂട്ടിക്കും നസ്രിയയ്ക്കുമൊപ്പം ഗ്രിഗറിയുടെ മെഗാ സെൽഫി, കമന്റുമായി ആരാധകരും

ആരാധകരുടെ ചർച്ചയിപ്പോൾ ഗ്രിഗറിയുടെ ഭാഗ്യത്തെക്കുറിച്ചാണ്. അതിനിടയാക്കിയത് താരത്തിന്റെ മെഗാ സെൽഫിയും.

സെൽഫിയിൽ ഗ്രിഗറിക്കൊപ്പമുണ്ടായിരുന്നത് മെഗാ സ്റ്റാർ മമ്മൂട്ടിയും മലയാളത്തിന്റെ സ്വന്തം നസ്രിയ ഫഹദും.

വിമാനയാത്രയ്ക്കിടെയാണ് ഗ്രിഗറി ഇവരുമൊത്തുള്ള സെൽഫി എടുത്തത്. താരം തന്നെ തന്റെ ഫെയ്‌സ്ബുക്ക് പേജിലൂടെ ഈ ചിത്രം ആരാധകർക്കായി പങ്കുവച്ചു.

നിരവധി ആരാധകരാണ് ചിത്രത്തിനു താഴെ പ്രതികരണവുമായി എത്തിയത്. ഗ്രിഗറിയുടെ ഭാഗ്യം, കൂട്ടത്തിൽ ചുള്ളൻ മമ്മൂക്ക, നസ്രിയയുടെ ക്യൂട്ട് ചിരിതുടങ്ങിയ അടിക്കുറിപ്പുകളാണ് ആരാധകരിൽ നിന്നും ചിത്രത്തിനു ലഭിക്കുന്നത്.

ദുൽഖർ സൽമാന്റെ എബിസിഡിയിലൂടെയാണ് ജേക്കബ് ഗ്രിഗറി ബിഗ് സ്‌ക്രീനിലേയ്ക്ക് എത്തുന്നത്. മമ്മൂട്ടി നായകനാകുന്ന ഉണ്ടയാണ് ഗ്രിഗറിയുടേതായി റിലീസ് ആകാനിരിക്കുന്ന പുതിയ ചിത്രം.