നിർമ്മാതാവായും നടിയായും സിനിമാലോകത്ത് സജീവമായിട്ടുള്ളയാളാണ് സാന്ദ്ര തോമസ്. ഭർത്താവ് വിൽസൺ ജോസിൻറേയും ഇരട്ട കുട്ടികളായ ഉമ്മിണതങ്കയുടേയും ഉമ്മുക്കൊലുസുവിന്റേയും വിശേഷങ്ങളുമായി സോഷ്യൽമീഡിയയിലും ഏറെ സജീവമാണ് സാന്ദ്ര. അടുത്തിടെയാണ് സ്വന്തം സിനിമാ നിർമ്മാണ കമ്പനി ആരംഭിച്ചുകൊണ്ട് സിനിമയിലേക്ക് സാന്ദ്ര മടങ്ങിയെത്തിയത്. സാന്ദ്രാ തോമസ് പ്രൊഡക്ഷൻസ് എന്ന പേരിലാണ് പുതിയ നിർമാണ കമ്പനി തുടങ്ങിയിരിക്കുന്നത്.
ALSO READ
നേരത്തെ ഫ്രൈഡേ ഫിലിം ഹൗസായിരുന്നു സാന്ദ്രയുടെ പ്ലാറ്റ് ഫോം. വിജയ് ബാബുവും ഒത്തുള്ള കൂട്ടുകെട്ടിൽ നിരവധി ചിത്രങ്ങളാണ് പിറന്നതും എന്നാൽ അതിൽ നിന്നും ഇറങ്ങിപ്പോരാൻ ഉണ്ടായ സാഹചര്യത്തെ കുറിച്ച് പറയുകയാണ് സാന്ദ്ര ഏഷ്യാനെറ്റ് ന്യൂസിന്റെ ‘സാന്ദ്രമായി ഓണം’ എന്ന പരിപാടിയിൽ.
നമ്മുടെ ഓഫീസിൽ വലിയൊരു തിരിമറി നടന്നു. അതാണ് പ്രശ്‌നങ്ങളുടെ തുടക്കം എന്ന് വേണമെങ്കിൽ പറയാം. ഒരു വലിയ പ്രശ്‌നം ഓഫീസിൽ ഉണ്ടാക്കിയ ആളെ ഞാൻ ഓഫീസിൽ നിന്നും പറഞ്ഞുവിടുകയും ചെയ്തു. അത് വിജയിക്ക് ഏറ്റവും പ്രിയപ്പെട്ട ആളായത് കൊണ്ടുതന്നെ ആ സമയത്ത് വലിയ പ്രശ്‌നങ്ങൾ ഉണ്ടായി. ആ സമയത്ത് അത് പറഞ്ഞില്ലെങ്കിലും കുറച്ചു നാൾ കൊണ്ട് ആ പ്രശ്‌നങ്ങൾ വഷളായി വഷളായി വരാൻ തുടങ്ങി. അല്ലാതെ ഞങ്ങൾ തമ്മിൽ പ്രശ്‌നങ്ങൾ ഉണ്ടായിട്ടില്ല.
ഞങ്ങൾ തമ്മിൽ അഭിപ്രായ വ്യത്യസങ്ങൾ ഉണ്ടായിട്ടുണ്ട്. അത് സിനിമയുടെ കാര്യത്തിൽ മാത്രമാണ്. എനിക്ക് ഇഷ്ടപെടുന്ന സിനിമ ആകില്ല വിജയിക്ക് ഇഷ്ടം ആകുന്നത്. ഞങ്ങൾ തമ്മിൽ ഒരിക്കലും സ്വത്ത് തർക്കങ്ങളുണ്ടായിട്ടില്ല. അതായിരുന്നു ഞങ്ങളുടെ വിജയം.
ALSO READ
പെട്ടെന്നുണ്ടായ ഒരു വികാരത്തിന്റെ പുറത്ത് അങ്ങോട്ടും ഇങ്ങോട്ടും അടിയായതാണ്. പക്ഷെ, ആശുപത്രിയിലെത്തുമ്പോഴാണ് മാൻ ഹാൻഡിലിങ്ങാണെന്നും കേസ് കൊടുക്കണമെന്നും അറിയുന്നത്. കേസ് അവർ കൊടുത്തതും ഞാൻ അറിഞ്ഞില്ല. പൊലീസ് സ്റ്റേഷനിൽ നിന്ന് അത് മീഡിയാസിനു പോയതും ഞാൻ അറിഞ്ഞില്ല.
പെട്ടെന്ന് ഞാനാകെ പാനിക്കായി, അപ്രതീക്ഷിത സംഭവം ആണല്ലോ. . വിജയിയും പാനിക്കായിക്കാണണം. വിജയ് ഒരു ബന്ധവുമില്ലാത്ത പോസ്റ്റൊക്കയിട്ടു. പക്ഷേ ആളുകൾ വിചാരിക്കും പോലെ ഒരു പ്രോബ്‌ളവും ആയിരുന്നില്ല, ഞങ്ങൾക്കിടയിൽ ഉണ്ടായിരുന്നത്. എന്നെ സംബന്ധിച്ചിടത്തോളം എന്റെ ഫസ്റ്റ് ബേബിയാണ് ഫ്രൈഡേ ഫിലിം ഹൗസ്. എന്റെ കുട്ടിയോട് ആരെങ്കിലും എന്തെങ്കിലും ചെയ്താൽ എനിക്ക് സഹിക്കാൻ പറ്റുമോ? ഞാൻ മുഖം നോക്കാതെ നടപടിയെടുത്തു. അത് വിജയിക്ക് വേദനയുണ്ടാക്കി.
അതിനുശേഷം സിനിമപോലും എനിക്ക് വേണ്ട എന്ന തീരുമാനത്തിൽ എത്തി. ഞാൻ എല്ലാം വിജയിക്ക് വിട്ടുകൊടുക്കുകയാണ് ചെയ്തത്. എല്ലാരും പറഞ്ഞു ഫ്രൈഡേ ഫിലിം ഹൗസ് നിന്റെ ബേബിയല്ലേ, നീ കൂടി ഉണ്ടാക്കിക്കൊണ്ടുവന്നതല്ലേ എന്ന്. വിജയ് പോലും പറഞ്ഞു. കുറച്ച് ശതമാനമെങ്കിലും ഫ്രൈഡേ ഫിലിം ഹൗസിൽ വെയ്ക്ക് എന്ന്. എനിക്ക് ഫിലിമെ വേണ്ട എന്ന് ഞാൻ പറഞ്ഞു.
അപ്പോഴേക്ക് ഞാൻ ശരിക്കും മടുത്തു. ആറ് വർഷം കൊണ്ട് 60 വർഷത്തെ ജീവിതാനുഭവമാണ് സിനിമ തന്നിരിക്കുന്നത്. എനിക്ക് എപ്പോഴും ഒരു ഫാമിലി, ഒരു ഹാപ്പി ഫാമിലിയായിരുന്നു ആഗ്രഹം. ലൈഫ് തന്നെ കൊണ്ടുവന്ന് ബിസിനസിലേക്കിട്ടു. അതിലൊരു മിടുക്ക് എനിക്കുണ്ട്’, സാന്ദ്ര പറയുന്നു.
